राजनीति

मोहन वैद्यले दिए हतियार उठाउने चेतावनी
SHARES

भदौ २७, २०७४

    सुर्खेत : नेकपा क्रान्तिकारी माओवादीका अध्यक्ष मोहन वैद्य ‘किरण’ले हतियार उठाउने चेतावनी दिएका छन्।  प्रदेश  नम्बर ६ स्तरिय पार्टी कार्यकर्तालाई प्रशिक्षण दिन सुर्खेत आईपुगेका अध्यक्ष वैद्यले मंगलबार बिहान आयोजना गरिएको पत्रकार भेटघाटमा सरकार यस्तै ढंगले अघि बढिरहे फेरि हतियार उठाउनुपर्ने बताए।

    ‘राज्य सहज रुपमा प्रस्तुत नभए हतियार उठाउनुपर्ने अवस्था आउन सक्छ। हामीले १० वर्षसम्म गरेको क्रान्तिबाट आएको गणतन्त्रको गलत फाइदा उठाएर जनतालाई सास्ती दिने काम सरकारले गरेको खण्डमा सरकारकै विरुद्ध बन्दुक उठाउने समय आउन धेरै लाग्नेछैन,’ उनले भने। 

    उनले प्रचण्ड नेतृत्वको माओवादी केन्द्रसँग कुनै पनि हालतमा एकता गर्न नसकिने बताए। उनले प्रचण्डको सत्तालोभले गर्दा सहर्मीहरुलाई धोका भएको बताए। उनले राजनैतिक संस्कार नै नमिल्ने भएकाले प्रचण्ड सँग एकता असम्भव भएको बताए।

    उनले पार्टी एकता नै गर्नुपर्ने अवस्था आएकोे खण्डमा प्रचण्डसँग नभई विप्लव, मोहनविक्रम सिंह लगायतको समूहसँग एकता हुनसक्ने बताए। उनले विप्लव माओवादीसँग आफ्ना मुद्दा मिलेका कारण कार्यगत एकतासम्म हुनसक्ने संकेत गरे। 

    उनले असोज २१ गते पोखरामा हुने पार्टीको राष्ट्रिय सम्मेलनमा केन्द्रीत भएका बताए। वैद्यले प्रदेश र प्रतिनिधि सभाको चुनावमा सहभागी हुने वा नहुने विषयमा छलफल चलिरहेको बताए।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]