अर्थ

गोपाल खड्कामाथि कारबाहीको निर्णय अबको मन्त्रिपरिषद् बैठकले गर्छ : आपूर्तिमन्त्री
SHARES

भदौ २८, २०७४

    विराटनगर : आपूर्तिमन्त्रीमा नियुक्त भएपछि पहिलोपटक विराटनर आउँदा शिवकुमार मण्डललाई सबैको प्रश्न थियो, ‘आयल निगमका गोपालबहादुर खड्कालाई के गर्नुहुन्छ ?’

    मण्डलले सहजै जवाफ दिएका थिए, ‘संसदीय समितिले छानविन गरिरहेको छ। मन्त्रालयले पनि छानविन गर्छ। दोषी देखिए कारबाहीबाट पछि हट्दिन। दोषीलाई कारबाही गर्न मलाई कुनैपनि दबाबले छेक्दैन।’

    आयल निगमको जग्गा खरिदमा करिब डेढ अर्ब रुपैयाँ घोटाला आरोप लागेका निगमका कार्यकारी निर्देशक खड्कालाई कारबाही गर्ने आपूर्तिमन्त्रीले प्रतिबद्धता जनाएपनि धेरैले विश्वास गरेनन्।

    खड्काको अख्तियारसहित दलका उच्च नेतासँग पहुँच रहेको र उनीहरुलाई खड्काले ‘चुनाव खर्च’ बुझाइसकेकोले उनीमाथि कार्वाही हुनेमा धेरैको आशंका थियो।
    खड्काको कामको बारेमा मन्त्री मण्डलले बुझ्ने प्रयास गर्दा यसअघि मन्त्रालयको सचिव रहेका आयल निगमका अध्यक्ष प्रेमकुमार राईको असहयोग महसुस गरे।

    त्यसपछि मण्डल सचिव सरुवा गर्न लागिपरे। करिब तीन साताको प्रयासमा सचिव राईलाई सरुवा गरेर कृष्णप्रसाद देवकोटालाई ल्याएपछि मात्र मन्त्रालयबाट खड्कामाथि अनुसन्धान अगाडि बढ्यो।

    मन्त्री मण्डलको निर्देशनमा भएको अनुसन्धान तथा संसदीय समितिहरुले दिएको रिपोर्टको आधारमा आपूर्ति मन्त्रालयले खड्कालाई कारबाही गर्न मन्त्रिपरिषद्‍मा सिफारिस गरेको छ। 

    आपूर्ति मन्त्रालयको तर्फबाट सचिव तथा निगमको सञ्चालक समितिका अध्यक्ष देवकोटाले खड्कालाई कारबाहीको प्रस्ताव मन्त्रिपरिषद्‍मा पठाइसकेको आपूर्तिमन्त्री शिवकुमार मण्डलले जानकारी दिए।

    ‘मन्त्रालयले गरेको अध्ययन र संसदीय समितिको अनुसन्धानमा पनि खड्काले अनियमितता गरेको भेटिएकोले कारबाहीको सिफारिस गरिएको हो,’ मन्त्री मण्डलले भने, ‘अब बस्ने मन्त्रिपरिषद् बैठकले त्यसबारे आवश्यक निर्णय गर्नेछ। मन्त्रिपरिषद्को बैठक प्रधानमन्त्री शेरबहादुर देउवा मधेसबाट फर्किएपछि संभवतः बिहीबार नत्र शुक्रबार बस्नेछ।’

    खड्काले चितवन, भैरहवा, झापा, सर्लाहीमा जग्गा खरिदमा अनियमिता गरेको ठहर गर्दै संसदको लेखा समितिले कारबाहीको लागि अख्तियार दुरुपयोग अनुसन्धान आयोग र आपूर्ति मन्त्रालयलाई सिफारिस गरेको थियो। 

    सोमबारको उद्योग वाणिज्य तथा उपभोक्ता हित सम्बन्ध समितिले पनि जग्गा खरिदमा चार गुणा महंगो मूल्य तिरेर अनियमितता गरेको प्रतिवेदन पारित गरिसेकेको छ। 

     

     

अर्जुन आचार्य

आचार्य थाहाखबरका मोरङ संवाददाता हुन्। इमेल : jorarjun@gmail.com

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]