खेलकुद

समूह विजेता बन्दै नेपाल एसीसी यू-१९ क्रिकेटको सेमिफाइनलमा
SHARES

फाइनल प्रवेशका लागि समूह बीको उपविजेतासँग खेल्ने

Photo : Asian Cricket Council
भदौ २९, २०७४

    काठमाडौं : शतप्रतिशत जितका साथ समूह विजेता बन्दै नेपाल एसीसी यू-१९ पूर्व क्षेत्रीय क्रिकेट प्रतियोगिताकाे सेमिफाइनलमा प्रवेश गरेको छ।

    बिहीबार भएको समूह चरणको आफ्नो अन्तिम खेलमा नेपालले सिंगापुरलाई ७ विकेटले पराजित गर्‍यो। हारका बाबजुत् पनि सिंगापुर समूह उपविजेताका रुपमा सेमिफाइनल पुगेको छ। उसले यसअघिका दुवै खेलमा जित हात पारेको थियो।

    सिंगापुरले दिएको ६८ रनको लक्ष्य नेपालले १३ ओभर ४ बलमा ३ विकेट गुमाएर पूरा गर्‍यो। सन्दीप सुनार २०, अनिल साह १८ तथा आशिफ शेख ६ रन जोडेर आउट भएको खेलमा सुमित महर्जन १० र सन्दीप जोरा ७ रनमा अविजित रहे।

    यसअघि टस जितेर पहिले ब्याटिङ गरेको सिंगापुर २८ ओभर ३ बलमा ६७ रनमा समेटिएको थियो। सिंगापुरलाई सस्तैमा समेट्ने क्रममा पवन शर्राफले ६, किशोर महतोले २ तथा सन्दीप लामिछाने र दीपेन्द्रसिंह ऐरीले १-१ विकेट लिए।

    यसअघि नेपालले थाइल्याण्डलाई २५५ रन तथा भुटानलाई ९ विकेटले पराजित गरेको थियो।

    नेपालले अब समिफाइनलमा समूह बीको उपविजेतासँग खेल्नेछ। समूह बीबाट हङकङ र मलेसिया सेमिफाइनल पुगिसके पनि समूह विजेताको टुंगो लगाेको छैन। यी दुई टोलीबीचको खेलमा विजयी हुनेले सिंगापुर तथा पराजितले नेपालसँग खेल्नेछ।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]