समाज

सात वर्षको प्रयासमा पूरा भयो बिमवासीको बिजुली बाल्ने सपना
SHARES

भदौ २९, २०७४

    पर्वत : म्याग्दीको मालिका गाउँपालिका वडा नं. ७ स्थित बिम गाउँका बासिन्दाले ७ वर्ष लामो प्रयासपछि बिजुली बत्ती बाल्न पाएका छन्। नेपाल विद्युत् प्राधिकरण बेनी वितरण केन्द्र र स्थानीबासीको लगानीमा गरिएको विद्युतीकरणको परीक्षण सफल भएपछि बुधबारदेखि नियमित विद्युत् आपूर्ति सुरु भएको छ।

    साविकको बिम गाविसको वडा नम्बर ६ र ७ का सबै घरधुरी र १, २, ३, ४ र ५ नम्बर वडाको केही भागमा विद्युतीकरण गरिएको हो। पहिलो चरणमा गरिएको विद्युतीकरणबाट १ सय ८५ घरधुरी लाभावित भएका छन्। यसका लागि उपभोक्ताले प्रतिपरिवार ७ हजार रुपैयाँका दरले १२ लाख ९५ हजार रुपैया संकलन गरेका थिए।

    प्राधिकरणले मुख्य प्रशारण लाइनको पोल, तार र ट्रान्सफर्मर तथा जिल्ला समन्वय समितिले २८ वटा पोल उपलब्ध गराएका थिए। उपभोक्ताबाट संकलित रकमले शाखा लाइनको तार तथा पोल खरिद गर्नुका साथै तार तान्ने र वाइरिङको काम गरिएको उपभोक्ता समितिले जनाएको छ।

    छिमेकी धौलागिरि गाउँपालिकाको ताकममा पनि विद्युतीकरणको काम भइरहेको छ। धौलागिरि गाउँपालिकाको ताकम, मुना, मुदी, लुलाङ, गुर्जा, मराङ र मल्कवाङबासी अझै पनि लघु जलविद्युत, सोलार र टुकीको उज्यालोमा बस्न बाध्य छन्।

सञ्जय रेग्मी

रेग्मी थाहाखबरका पर्वत जिल्ला संवाददाता हुन्।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]