प्रवास

आफ्नै साथीले चक्कु हान्दा पोर्चुगलमा एक नेपालीको मृत्यु
SHARES

भदौ २९, २०७४

    पर्वत : पोर्चुगलमा रहेका जलजला गाउँपालिका ४ माझफाँटका हरिबहादुर जिसीको हत्या भएको छ। गएको मंगलबार राति धादिङ घर भएका अर्जुन सापकोटाले ४४ वर्षीय केसीलाई चक्कुले हानेको जिसीका भाई ओमले जिसीले जानकारी दिए।

    मृतक जिसीको शव सेन्ट मारिया अस्पतालमा राखिएको र पोष्टमास्टर्मपछि परिवार र नेपाली समुदायलाई जिम्मा लगाउने अस्पतालले जनाएको छ। सापकोटाको चक्कु प्रहारबाट मृतक जिसीका भाई ३८ वर्षीय ओम समेत घाइते भएका छन्। उनको टाउकोमा चोट लागेको गैर आवासीय नेपाली संघ राष्ट्रिय समन्वय परिषद पोर्चुगलका निवर्तमान अध्यक्ष भीम केसीले बताए।

    एउटा चिनियाँ रेष्टुरेन्टमा ओमसँग विवाद गरेपछि साहुले अर्जुनलाई आइतबार कामबाट निकालिदिएको थियो। आफ्नो जागिर ओमका कारण गएको भन्दै मंगलबार राति करिब १२ बजे क्याम्पो पेकिनोको सडकमा सँगै रहेका दाजुभाइमाथि सापकोटाले अन्धाधुन्ध चक्कु प्रहार गरेको निवर्तमान अध्यक्ष केसीले जानकारी दिए। मृतकका पत्नी र तीन वर्षीया छोरी पोर्चुगलमै छन् भने एक छोरी पर्वतमा छिन्। जिसीका तीन भाइमध्ये मृतक हरिबहादुर जेठा र घाइते ओम कान्छा हुन्। जिसी ५ वर्षअघि पोर्चुगल गएका थिए। घटनापछि फरार रहेका सापकोटालाई खोजी गरिरहेको पोर्चुगलको प्रहरीले जनाएको छ।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]