खेलकुद

डिभाइन ब्वाइज युनियन क्लब भीमनारायण गोल्डकपको फाइनलमा प्रवेश
SHARES

भदौ २९, २०७४

    धनकुटा : काठमाडौंको डिभाइन ब्वाइज युनियन क्लब धनकुटामा जारी सहीद भीमनारायण गोल्डकपको फाइनलमा प्रवेश गरेको छ। बिहीबार धनकुटास्थित तल्लो टुँडिखेलमा भएको पहिलो सेमिफाइनल खेलमा मोरङको बेलबारी फुटबल क्लबलाई १–० गोलअन्तरले हराउँदै डिभाइन ब्वाइज युनियन क्लब उपाधि नजिक पुगेको हो।

    डिभाइन ब्वाइज युनियन क्लबका लागि एक मात्र गोल नाइजेरियन खेलाडी अबुबाकोनले गरेका थिए। उनले खेलको दोस्रो मिनेटमै गोल गरेका थिए। खेलमा निकै दबाबमा परेको बेलबारी क्लबले दोस्रो हाफमा आक्रामक खेल पस्किएपनि गोल फर्काउन सकेन।

    निर्णायक गोल गर्ने अबुबाकोन 'म्यान अफ दी म्याच' घोषित भए। उनलाई नेपाल पत्रकार महासंघ धनकुटाका अध्यक्ष तथा सहिद भीमनारायण श्रेष्ठ अन्तर्राष्ट्रिय आमन्त्रण गोल्डकप फुटबल प्रतियोगिताका संस्थापक अध्यक्ष राजेश्वर बहादुर श्रेष्ठले नगद २ हजार पाँच सय रुपैयाँ र मायाको चिनो प्रदान गरे। 

    डिभाइन ब्वाइज युनियन क्लबले शनिबार उपाधिका लागि बिर्ता युनाइटेड क्लब झापा र फ्यान्स क्लब बिआरसी भूटानमध्ये एकसँग प्रतिस्पर्धा गर्नेछ। दोस्रो सेमिफाइनलमा यी शुक्रबार बिर्ता र बिआरसी भूटान भिड्दैछन्। 

    शनिबार प्रतियोगिताको फाइनल खेल हुनेछ। प्रतियोगिताको विजेताले गोल्डकप सहित नगद १ लाख रुपैयाँ र उपविजेताले नगद ५० हजार रुपैयाँ पाउने आयोजक समितिका संयोजक शम्भु प्रधानले जानकारी दिए। 

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]