अर्जुन बोहरा-
सिमकोट : यस वर्षको दसैंमा हुम्लाको सदरमुकाम सिमकोट क्षेत्रमा चामल अभाव हुने भएको छ। गएका वर्षहरुमा दसैं मनाउनकै लागि भए पनि नेपाल खाद्यय संस्थानले पर्याप्तमात्रमा चामल उपलब्ध गराउँदै आएको जिल्लावासीलाई यो वर्ष भने सरकारले समयमा ढुवानी गर्न नसक्दा चामल नपाउने भएका छन्।
हुम्लाका वासिन्दालाई सरकारले ढुवानी अनुदानमा उपलब्ध गराउँदै आएको चामल प्रयाप्त मात्रामा ढुवानी नगरेपछि यो वर्ष हुम्लावासीको दसैं भातविना नै बित्ने भएको छ। चामल ढुवानीको प्रक्रियागत झन्झटिलोकै कारणले नेपाल खाद्य संस्थानले सिमकोटलगायत अन्य डिपोसम्म चामल पुर्याउन सकिरहेको छैन। एक मात्रा यातायात सञ्चालन हुने हवाई सेवा भयता पनि भारतीय तीर्थयात्री बोकेपछि खाद्यान्न ढुवानी नगरेको खाद्य संस्थान हुम्लामा नारायण सिंह केशीले बताए।
हरेक महिना सिमकोट र आसपासका वासिन्दालाई वडा भाग र कुपनअनुसार चामल बिक्री गर्दै आएको नेपाल खाद्य संस्थान सिमकोट शाखाले प्रयाप्त चामल ढुवानी हुन गर्न नसक्दा वितरण गर्न नसकेको नेपाल खाद्यय संस्थान हुम्लाका नारायण सिंह केसीले बताए।
प्रतिमहिना सबैलाई पुग्नेगरी चामल वितरण गर्दा १५ सयदेखि १८ सयसम्म प्रतिक्विन्टल चामल आवश्यक पर्ने भएकोले अहिले खाद्य संस्थामा ३ सय क्विटल मात्रै जगेडा रहेको नेपाल खाद्यय संस्थान शाखाप्रमुख केसीले जानकारी दिए। लामो समयदेखि चामल वितरण नगरेको संस्थाले आफूसँग रहको ३ सय क्विन्टल चामलमध्ये सिमकोटको बजारमा भएका बजारवासीलाई आइतबार वितरण गर्ने भएपछि स्थानीयवासिन्दालाई चामलविनै दसैं बित्ने भएको छ।
सिमकोट गाविसलाई प्रतिव्यक्ति ५ केजी, बजारवासीलाई ४ केजी र घरधुरी अनुशार वडा भागले चामल वितरण गर्ने खाद्य संस्थानले गोदाममा चामल नभएकाले वितरण गर्न नसक्ने भएको संस्थानका प्रमुख केसीले बताए।
अहिले जिल्ला सदरमुकाम सिमकोटमा भएको खाद्य संस्थानको डिपोमा ३ सय क्विण्टल मात्रै चामल छ भने सर्केघार्ड र श्रीनगर डिपोका कत्ती पनि चामल नभएपछि दसैंमा चामल नपाइने भएको हो। यो आर्थिक वर्षका लागि सरकारले विनियोजन गरेको १८ हजार क्विण्ट चामल मध्ये एक दानापनि ढुवानी नभएको र गएको आर्थिक वर्षबाट सरेको ३ हजार क्विण्टल मध्ये १८ सय क्विण्टल चामल मात्रै ढुवानी भएकाले यो दसैंमा संस्थानले प्रर्याप्त चामल वितरण गर्न नसकेको संस्थानका एक कर्मचारी कृष्ण अवस्थीले जानकारी दिए।
३ वटा कर तिरे मात्र चामल
सदरमुकाम सिमकोट बजारमा बोसाबास गर्दै आएका बजार बासीले तिनवटा कर तिरेमा मात्र नेपाल खाद्यय संस्थानबाट चामल किन्नको लागि रासन कार्ड पाउने गरेका छन्। हुम्लाको सदरमुकाम सिमकोटमा विभिन्न कामको शिलसिलामा बजारमा बस्दै आएका बजारबासीहरुलाई खाद्य संस्थानबाट खाद्यन्नको लागि तीनवटा कर तिरेर मात्र चामल पाउने बाध्य भएका छन।
सदरमुकाम सिमकोट रहेको गाउपालिकाका ५ र ६ वडापालिकाको कार्यालय लाई कर तिरेपछि रासन कार्ड पाइने व्यबस्था गरेको छ। सिमकोट बजारमा काम विषशेषले वसेका व्यक्ति वा परिवारले खाद्यन्न पाउन वडा कार्यलयमा कुपन कार्ड, सरसफाई, र घरवहाल कर तिनुपर्ने प्रवाधान स्थानीय निकायाले व्यस्था गरेको छ। नेपाल खाद्य संस्थान शाखा कार्यलय हुम्ला बाट मासिक प्रतिपरिवारले पाँच केजी चामल पाउनको लागी सम्बन्धित वडा कार्यलयमा तीन प्रकारका कर तिर्नु पर्ने व्यवस्था गरिएको सिमकोट गाउँपालिका ६ नम्बर वडाका अध्यक्ष चयचन्द्र रोकायाले बताए।
सम्बन्धित वडामा एक कुपन कार्डको वनाए वापत पचास रुपियाँ,बजारसरसफाइ कर तिन सय रुपायाँ , र घरभाडामा वसे वापत प्रति कोठा एक सयका दरले कर बझाउनुपर्ने प्रावधान गरेको समेत खार्पुनाथ गाउँपालिका छिप्रा निवासी लोकबहादुर हमाले जानकारी गराए। स्थानीय तह गठन भए पछि आफनो वडामा लगाएको करले बजार बासीले सो कर नतिरेमा खाद्ययन्न कुपुन कार्ड नपाउने भए पछि वजारवासी मर्कामा परेका छन।
नेपाल सरकारले खाद्य संस्थानमार्फत वर्षेनी खाद्यन्न ढुवानी सहुलियत दरमा उपलव्ध गराउदै आएको भए पनि सदरमुकाम सिमकोटमा बस्दै आएका वजारवासीलाई स्थानिय तहको निर्वाचन पछि जनप्रतिनिधिल गरेको निर्णयले महगो मुल्यमा खाद्यन्न किन्न बाध्य बनाएको सकेगार्ढ गाउँपालिका रोडिकोट ५ निवासी राजेन्द्र कार्कीले बताए।
नेपाल खाद्यय संस्थानले समयमै खाद्ययन्न उपलब्ध नगरायात पनि कार्ड बनाउदा कर तिनैपर्छ अवस्थाले छ बर्ष देखि डेरामा बस्दै आएका ठेहे निवासी जङ्ग बोहराले बताए। जन निर्वाचित प्रतिनिधिले स्थानीयरुपमा विभिन्न कर उठाउने र वडापालिका लाई आम्दानीको अतिरिक्त स्रोत बनाएपछि अहिले स्थानीय बास्न्दिा सहुलियत मूल्यको खाद्यन्न महङ्गोमा किन्न बाध्य भएको बोहराले बताए।
तपाईंको ईमेल गोप्य राखिनेछ ।