प्रदेश
जिल्लाः
निर्वाचन क्षेत्र
पार्टी

समाज

हुलाक टिकटमा धर्मराज थापा र सरोज कोइरालादेखि योमरी र बुलाकी
SHARES

असोज ६, २०७४

    काठमाडौं : हुलाक सेवा विभागअन्तर्गत नेपाल फिलाटेलिक ब्युरोले विभिन्न प्रकारका नयाँ हुलाक टिकट प्रचलनमा ल्याएको छ। 

    सूचना तथा सञ्चारमन्त्री मोहनबहादुर बस्नेतले ओखलढुंगाको पोकली झरना, नेपाली खाना परिकार (योमरी, सेलरोटी अनर्सा र लाखामरी), परम्परागत गरगहना (तिलहरी, बाला, कल्ली र बुलाकी), राष्ट्रिय झण्डा र निर्वाचन आयोगको प्रतीक चिह्नअंकित नयाँ हुलाक टिकटमा प्रकाशनको प्रथम दिवसीय टाँचा लगाए।  

    त्यसैगरी जनकविकेशरी धर्मराज थापा र राजनीतिकर्मी सरोज कोइरालाको तस्विर तथा प्राचीन स्तनधारी जनावरअंकित टिकटको पनि आजै प्रथम टाँचा लगाइएको छ। ती टिकटको मूल्य रु एकदेखि पाँच सयसम्म तोकिएको छ। 

    सो अवसरमा मन्त्री बस्नेतले यस किसिमको टिकट प्रकाशनले नेपालको परम्परागत संस्कृति, लोपोन्मुख प्रजाति तथा भौगोलिक विविधतालाई जोगाउने बताउँदै लोकसंस्कृति, परम्परा र देशका लागि बलिदान दिने शहीदको सम्मान गर्नुपर्नेमा जोड दिए। उनले नयाँ प्रविधिको विकाससँगै हुलाक सेवालाई पनि मानिसको चाहनानुरुप नयाँ ढंगबाट अगाडि बढाउँदै लानुपर्ने बताए।

    सूचना तथा सञ्चार राज्यमन्त्री तप्तबहादुर विष्टले हुलाक सेवालाई विस्थापितभन्दा पनि स्थापित गराउनेतर्फ लाग्नुपर्ने बताए। विभागका निमित्त महानिर्देशक राजन पौडेलले मुलुकलाई चिनाउने किसिमको सामग्री टिकटमा राखिएको बताए।  

    आइतबारदेखि बिक्री गरिने उक्त टिककको डिजाइन हुलाक सेवामा कार्यरत कला अधिकृत पूर्णकला लिम्बूले गरेकी हुन्। प्रत्येक विधाको टिकट ५० हजार प्रति छापिएको छ।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]