प्रदेश
जिल्लाः
निर्वाचन क्षेत्र
पार्टी

समाज

बागलुङको खाल्टाखर्कमा जीप दुर्घटना हुँदा २ प्रहरीको मृत्यु, १२ जना घाइते
SHARES

असोज ७, २०७४

    पर्वत : बागलुङको हुग्दीशिर अन्तर्गत खाल्टाखर्कमा भएको जीप दुर्घटनामा परी दुई जना प्रहरीको मृत्यु भएको छ। बागलुङ बजारबाट बरेङ गाउँपालिका वडा नम्वर ३ बाटाकाचौर नयाँबजारका लागि छुटेको ध १ ज १३४ नम्बरको पिकअप जिप  दुर्घटना हुँदा जीपमा सवार प्रहरी हवल्दार खीमबहादुर विष्ट र प्रहरी जवान ढालबहादुर श्रीसको घटनास्थलमा नै मृत्यु भएको जिल्ला प्रहरी कार्यालय बागलुङका प्रमुख प्रहरी उपरीक्षक चन्द्रकुवेर खापुङले जानकारी दिए। 

    उनीहरु दुवै जना दुई नम्बर प्रदेशमा भएको निर्वाचन सकाएर साबिककै ड्यूटीमा फर्किँदै गरेका थिए। दुर्घटनामा परी अन्य १२ जना घाइते छन्। घाइतेमध्ये समिर मिया, मञ्जी खातुन, सबिना खातुन, जिप चालक साधन श्रीषको धौलागिरी अंचल अस्पतालमा उपचार भइरहेको छ।

    अन्य घाइतेहरु प्रहरी जवान गुञ्जबहादुर राना, रिना लामिछाने, सत्कार लामिछाने, तमबहादुर खत्री, जितु लामिछानेलाई थप उपचारको लागि पाल्पा पठाइएको छ। सामान्य घाइते प्रहरी जवान शेरबहादुर नेपाली भने इलाका प्रहरी कार्यालय बरेङमा फर्किएका छन्। 

    १४ जना सवार रहेको उक्त जीप अपरान्ह ३ बजेको समयमा सडक बाट करीव २ सय मिटर तल खसेर दुर्घटनाग्रस्त भएको हो। दुर्घटनाको विषयमा अनुसन्धान भैरहेको प्रहरी उपरीक्षक खापुङले जानकारी दिए। 

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]