प्रदेश
जिल्लाः
निर्वाचन क्षेत्र
पार्टी

राजनीति

उम्मेदवारलाई उच्च सुरक्षा दिन निर्वाचन आयोगको आग्रह
SHARES

असोज २६, २०७४

    काठमाडौं : निर्वाचन आयोगले प्रतिनिधिसभा र प्रदेशसभा निर्वाचनमा उम्मेदवारहरुको सुरक्षा व्यवस्थालाई उच्च प्राथमिकता दिन सरकारसँग आग्रह गरेको छ।

    प्रमुख निर्वाचन आयुक्त डा. अयोधिप्रसाद यादवले राष्ट्रिय तहको निर्वाचन भएकाले राष्ट्रिय तहको नेता र उम्मेदवारहरुको सुरक्षा व्यवस्थालाई उच्च प्राथमिकता दिन सरकारको ध्यानाकर्षण गराएका हुन्।

    निर्वाचन आयोगको कार्यालयमा बिहीबार नेपाली सेना, नेपाल प्रहरी, सशस्त्र प्रहरी र अनुसन्धान विधागका प्रमुखहरुसँगको निर्वाचन सुरक्षासम्बन्धी अन्तर्क्रिया कार्यक्रममा डा. यादवले उम्मेदवारहरुको सुरक्षा व्यवस्था प्रदेशसभा र प्रतिनिधिसभा निर्वाचनको सबैभन्दा महत्वपूर्ण पक्ष भएकोले सुरक्षामा ध्यान दिनुपर्ने बताए।

    प्रमुख आयुक्त डा. यादवले सरकारको निर्वाचन सुरक्षा योजनाप्रति आयोग सन्तुष्ट रहेको बताए। उनले भने, 'सरकारले ल्याएको निर्वाचनसम्बन्धि सुरक्षा योजना ज्यादै व्यवहारिक छ।'

    निर्वाचनमा सुरक्षा कसरी गर्ने भन्ने विषयमा छलफल गर्न आयोगको कार्यालय पुगेका सुरक्षा निकायका अधिकारीहरुले स्थानीय तहको निर्वाचनको अनुभवलाई समेत समेटेर निर्वाचनसम्बन्धी केन्द्रीय योजना तयार पारिएको जानकारी गराएका थिए। मंसिर १० र २१ गते २ चरणमा प्रतिनिधिसभा र प्रदेशसभा निर्वाचन हुदैछ।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]