बाँकेः नेपालगन्ज भन्सार कार्यालयले भारतबाट अवैध रूपमा नेपाल ल्याउँदै गरेको १० हजार किलो कुखुरा र एक हजार २०० किलो बंगुरको मासु बरामद गरेको छ।
आलु र केराउ (मटर) भनेर ल्याउँदै गरेको अवस्थामा चेकजाँच गर्दा बंगुर र कुखुराको मासु फेला परेको नेपालगन्ज भन्सार कार्यालयले जनाएको छ।
उक्त मासु नेपालगन्जका दिलीप सोनखरले ल्याउन लागेको भन्सार प्रमुख जनार्दन आचार्यले जानकारी दिए। उनका अनुसार भन्सार छल्ने उद्देश्यले ट्रकको पछाडि र वरिपरि आलु र केराउ थियो भने अगाडिको बीचमा प्याकिङ गरेको कुखुरा र बंगुरको मासु राखिएको अवस्थामा फेला परेको थियो।
सोनखरको धम्बोझीमा बंगुरको मासु पसल संचालनमा छ। उनले यसअघि पनि ल्याएको भन्दै प्रहरीले थप अनुसन्धान अघि बढाउने भएको छ।
तपाईंको ईमेल गोप्य राखिनेछ ।