काठमाडौं : काठमाडौंमा १० बजेपछि देउसीभैलो खेल्न प्रतिबन्ध लगाइएको छ। जिल्ला प्रशासन कार्यालय काठमाडौंले मंगलबार सूचना जारी गरी राति १० बजेसम्म मात्र देउसीभैलो खेल्न आग्रह गरेको छ।
प्रमुख जिल्ला अधिकारी केदारनाथ शर्माले मंगलबार सूचना जारी गरी १० बजेभन्दा पछि देउसीभैलोखेलेमा कारबाही गर्ने बताएका छन्। 'तिहार पर्वको उपलक्ष्यमा खेलिने देउसी, भैलो कार्यक्रमलाई व्यवस्थित रुपमा सञ्चालन गर्नको लागि त्यस्ता कार्यक्रमहरु गर्दा सम्बन्धित घरधनीको सहमति लिइ बिना करकाप बेलुकी १० बजेसम्म मात्र मनाउनुहुन अनुरोध गरिन्छ' प्रजिअ अधिकारीले जारी गरेको विज्ञप्तिमा भनिएको छ।
त्यस्तै आतिसबाजी, पटका भुइचप्पाजस्ता प्रज्वलनशील पदार्थको उत्पादन, आयात, बिक्री वितरण र प्रयोग नगर्न पनि काठमाडौं जिल्ला प्रशासन कार्यालयले आग्रह गरेको छ।
तपाईंको ईमेल गोप्य राखिनेछ ।