छापा

६ दिनका लागि बन्द भयो केरुङ नाका
SHARES

फाइल फोटो
कात्तिक १, २०७४

    रसुवा : १९औँ चिनियाँ नेसनल कंग्रेससभा सुरु भएपछि सुरक्षाका लागि नेपाल–चीनबीचको रसुवा नाका मंगलबारदेखि ६ दिनका लागि बन्द गरिएको छ। तर, चिनियाँ पक्षले भने मर्मतका लागि बन्द गरिएको जनाएको छ।

    चीनको राजधानी बेइजिङमा बुधबारदेखि कंग्रेससभा सुरु हुँदै छ। चिनिया प्रहरीले नेपालको सीमाक्षेत्रमा उच्च सुरक्षा सतर्कता अपनाएको छ। नेपाल र चीनबीच सञ्चालनमा रहेको यो एक मात्र व्यापारिक नाका हो। उता जिल्ला प्रहरी कार्यालय रसुवाका प्रहरी नायब उपरीक्षक शरतकुमार थापा क्षेत्रीले चीनको के–८१ र के–८७ मा सडक मर्मत गर्नुपर्ने भएको केरुङ पोट एडमिनिस्ट्रेसन कमिटीबाट जानकारी आएको बताए। भारी वर्षा र ठूलो पहिरोका कारण सडक असुरक्षित भएकाले मर्मत थालेको चिनियाँ पक्षले जनाएको छ। मर्मतका लागि विस्फोटक पदार्थसमेत प्रयोग गर्नुपर्ने जनाइएको छ।

    चिनियाँ समयअनुसार मंगलबार दिउँसो १ बजेदेखि २२ अक्टोबरसम्म नाकामा आवतजावत बन्द गरिएको छ। नाका बन्द भएसँगै नेपाल तथा केरुङबाट हुने आवतजावत ठप्प भएको छ। चिनियाँ क्षेत्र केरुङ पुगेका सम्पूर्ण नेपालीलाई नेपाल फर्काइएको प्रहरी नायब उपरीक्षक क्षेत्रीले बताए।

नयाँ पत्रिका

राजधानी काठमाडौंबाट प्रकाशित ब्रोडसिट दैनिक पत्रिका हो ।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]