प्रदेश
जिल्लाः
निर्वाचन क्षेत्र
पार्टी

प्रवास

मलेसियामा नेपाली चढेको बस दुर्घटना, ८ को मृत्यु, ३३ घाइते
SHARES

मृतक सबै महिला

कात्तिक ७, २०७४

    मलेसियामा नेपाली कामदार बोकेको बस दुर्घटना हुदा ८ जनाको मृत्यु भएको छ। दुर्घटनामा परेर ३३ जना घाइते भएको न्यू स्ट्रेट टाइम्सले लेखेको छ।

    मलेसियाको पेनाङ सहरमा कारखाना जादै गरेका दुईओटा बस एक आपसमा जुध्दा दुर्घटना भएको थियो। प्रहरी अधिकृत निक रोस अजहन निक अब्दुल हमिदले दुर्घटनाबारे जानकारी दिएका छन्। हमिदका अनुसार मृतक सबै महिला रहेका छन्।

    दुर्घटना बिहान ५ : ३० मा भएको प्रहरीले जानकारी दिएको छ। हमिदका अनुसार एक बसमा इन्डोनेसिया र नेपालबाट गएका कामदार चढेका थिए। उक्त बस इन्जिनमा खराबी आएपछि रोडको देब्रेतिर रोकिइराखेको थियो त्यहीँ बेला अर्को बस आएर ठोक्किएको थियो। उनले भने, 'रोकिइराखेको बसमा अर्को ब्रेक फेल भएको बस आएर भएर जुध्यो जसमा १५ कामदार सवार थिए। रोकिराखेको बसलाई उक्त बसले सडकको दायापट्टी धकेलेको थियो।'

    '८ जनाको दुर्घटनास्थलमा नै मृत्यु मृत्यु भएको छ २३ जना गम्भीर घाइते भएका छन् भने १० जना सामान्य घाइते भएका छन्' प्रहरी अधिकृत हमिदले बताए। मृतकबारे थप जानकारी दिइएको छैन।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]