साहित्य

लालबाबु पण्डितको आत्मकथा यसै महिना सार्वजनिक हुने
SHARES

कात्तिक ९, २०७४

    काठमाडौं : मन्त्री हुँदा डीभी र पीआर लिएका कर्मचारीलाई कारबाहीको घोषणा गरेर चर्चामा आएका एमाले नेता लालबाबु पण्डितको जीवन संघर्ष अब पुस्तकमा पढ्न पाइने भएको छ।

    पब्लिकेशन नेपालयले पण्डितको आत्मकथा 'सिंहदरबार बदल्ने सङ्घर्ष' यसै महिनाभित्र पाठकमाझ ल्याउन लागेको हो। पूर्वी तराइको एउटा अल्पसंख्यक समूदायबाट राजनीतिमा होमिएका पण्डितले मन्त्री बनेको छोटै समयमा चर्चा कमाएका थिए।

    राजनीतिक जीवनलाई सत्ताको चरित्र बदल्ने संघर्षका रुपमा परिणत गरेका पण्डितको रोचक भोगाइहरु आत्मकथाको रुपमा प्रकाशन गर्न लागेको पब्लिकेशन्स नेपालयले जनाएको छ। ‘लालबाबु पण्डितको यात्रा, बाटो र पाइलाहरु धेरैका निम्ति पठनीय हुनसक्ने ठानेर जीवनी प्रकाशन गर्ने निधोमा पुगेका हौं,’ पब्लिकेशन्स नेपालकी प्रमुख कार्यकारी सैजन मास्के भन्छिन्, ‘यसले नेपाली राजनीतिको जटिल समयमा पनि सम्भावना देखाउने एक नेतासँग पाठकलाई नजिक्याउने छ।’

    पण्डितले पत्रकार मुकेश पोख्रेलसँगको सहकार्यमा पुस्तक तयार पारेका हुन्। ‘पहिलोपटक मन्त्री हुने बित्तिकै जताततै विसंगति र विकृति देख्न थालेपछि परिवर्तनको पाइला आफैँबाट चाल्ने अठोट गरेको थिएँ,’ पण्डित भन्छन्, ‘त्यतिबेला गरेका कामहरुलाई मैले इमान्दारिका साथ पुस्तकमा राखेको छु।’ समाज परिवर्तन र राष्ट्रप्रति समर्पित सबैखाले मानिसले यो पुस्तक पढ्नेछन् भन्ने विश्वास पण्डित ब्यक्त गर्छन्।

    ‘यो पुस्तकमार्फत मैले आफू स्वयंलाई कसीमा राखेको छु,’ पण्डितले थपे, ‘मैले राम्रो गरेँ वा नराम्रो भनेर छुट्याउने जिम्मा अब पाठकहरुकै हातमा छोड्छु।’ पुस्तकको मूल्य ३२५ रुपैयाँ राखिएको छ।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]