खेलकुद

रियल मड्रिडको लगातार दोस्रो हार, टोटनह्याम नकआउट चरणमा
SHARES

Photo : goal.com
कात्तिक १६, २०७४

    काठमाडौं : साविकको विजेता रियल मड्रिड च्याम्पियन्स लिग फुटबल प्रतियोगितामा टोटनह्याम हट्सपरसँग पराजित भएको छ। घरेलु मैदानमा गएराति भएको पाहुना टोली रियललाई ३-१ ले पराजित गर्दै टोटनह्यामले नकआउट चरणमा स्थान पक्का गर्‍यो।

    रियलको यो लगातार दोस्रो हार हो। केही दिनअघि ला लिगामा रियल गिरोनासँग २-१ ले पराजित भएको थियो।

    रियललाई पराजित गर्ने क्रममा टोटनह्यामका डेली अलीले २ तथा क्रिस्टियन इरिक्सनले १ गोल गरे। रियलका लागि क्रिस्टियानो रोनाल्डोले सान्त्वना गोल फर्काए। जितसँगै १० अंकका साथ टोटनह्याम समूह एचको शीर्ष स्थानमा छ। दोस्रो स्थानको रियलले ७ र तेस्रो स्थानको बोरुसिया डर्टमुण्डले २ अंक जोडेका छन्।

    बाँकी २ खेलमा डर्टमुण्ड शतप्रतिशत ६ अंक जोडेमा पनि ८ मात्र हुन्छ। एउटा समूहबाट २ टोली नकआउट चरणमा प्रवेश गर्नेछन्। यसै समूहको अर्को खेलमा डर्टमुण्ड एपोइल निकोसियासँग १-१ को बराबरीमा रोकियो।

    गएराति नै भएका अन्य खेलमा सेभियाले स्पार्टक मस्कोलाई २-१ तथा पोर्टोले लेइप्जिङलाई ३-१ ले पराजित गर्दा मोनाको र बेसिक्टासले १-१ को बराबरी खेलेका छन्।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]