प्रदेश
जिल्लाः
निर्वाचन क्षेत्र
पार्टी

समाज

नगरपालिका कार्यालयद्वारा १४ चेपाङ परिवारलाई सोलार बत्ती
SHARES

कात्तिक २२, २०७४

    महेश्वर अधिकारी-

    बारा : निजगढ नगरपालिका कार्यालयले नगरभित्र बसोबास गर्दै आएका लोपोन्मुख चेपाङ परिवारलाई सोलार बत्ती सहयोग गरेको छ। २८ घरपरिवार बस्दै आएको निजगढ–१३ स्थित चेपाङबस्तीमा नै पुगेर नगर प्रमुख सुरेशकुमार खनालले पहिलो चरणमा १४ परिवारलाई सोलार बत्ती हस्तान्तरण गरेका हुन्।

    सोलार बत्ती हस्तान्तरणपछि स्थानीयलाई सम्बोधन गर्दै नगरप्रमुख खनालले चेपाङ परिवारको आर्थिक अवस्थामाथि उकास्न विभिन्न आयमूलक कार्यक्रम ल्याइने भन्दै भावि पुस्ताले दुःख नपाउने गरी योजना बनाइने प्रतिबद्धता जनाए।

    आफ्ना छोराछोरीलाई पढाउनुपर्‍यो, शिक्षित बनाउनु पर्‍यो भन्दै त्यसका लागि नगरपालिका सबैखाले सहयोग गर्न तयार रहेको प्रमुख खनालले बताए।

    सोलार पाएपछि खुसी हुँदै स्थानीय बुद्ध प्रजापतीले नगरपालिकाले आफूहरुको दुःखमा हेर्ने विश्वास ब्यक्त गरे। वडा अध्यक्ष सूर्य घलानले नगरपालिकाकै सबैभन्दा पिछडिएको वडा भएकाले विकास गर्न आवश्यक पूर्वाधारका लागि नगरपालिकाको बोर्डमा प्रस्ताव लैजाने बताए।

    कार्यक्रममा वडा सदस्य धनकुमारी विक, नगरपालिकाका ओभरसियर नवीन खनाल लगायतको उपस्थिति थियो। कार्यक्रमको सञ्चालन नगरपालिका कार्यकारी अधिकृत भरतचन्द्र अधिकारीले गरेका थिए।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]