खेलकुद

युथ एसिया कपमा मलेसियाविरुद्ध नेपाल ८ विकेटले विजयी
SHARES

कात्तिक २८, २०७४

    काठमाडौं : एसीसी यु १९ युथ एसिया कप क्रिकेटको मंगलबारको खेलमा नेपालले मलेसियालाई ८ विकेटले पराजित गरेको छ।

    मलेसियाको राजधानी क्वालालाम्पुरमा भएको समूह चरणको अन्तिम खेलमा पाएको ४६ रनको लक्ष्य नेपालले ५.३ ओभरमा २ विकेट गुमाएर भेट्टायो। नेपालका लागि अनिलकुमार साहले आउट नभइ सर्वाधिक २६, कप्तान दीपेन्द्रसिंह ऐरीले १२, आशिफ सेखले ४ र भीम सार्कीले नटआउट ३ रन जोडे। नेपालका लागि साहले १५ बलमा २६ र कप्तान ऐरीले जम्मा ३ बलमा १२ रन जोडेका थिए।

    पहिले ब्याटिङ गरेको मलेसियाले १५.३ ओभरमा सबै विकेट गुमाएर जम्मा ४५ रनमात्र जोड्न सक्यो। मलेसियालाई सस्तैमा समेट्न सन्दीप लामिछाने एक्लैले ५ विकेट लिए भने सहाब आलमले २ र अनिल कुमार साहले १ विकेट लिए। ४.३ ओभर बलिङ गरेका सन्दीपले जम्मा ८ रन खर्चेर ५ विकेट लिएका हुन्।

    मलेसियाका लागि सइद अजिज सइद मुबारकले २० र विरन्दिप जगजित सिंहले १५ रन जोड्नुबाहेक अन्य ब्याट्सम्यानले दोहोरो अंकको स्कोरसमेत छुन सकेनन्। यसअघि समूह चरणकै अघिल्लो खेलमा नेपालले भारतलाई पराजित गरेको थियो।

    नेपालले समूह चरणमा बंगलादेशसँग भने पराजय ब्यहोरेको थियो। यो नतिजापछि पनि नेपाल सेमिफाइनमा पुग्ने वा नपुग्ने टुंगो छैन। त्यसका लागि मंगलबार नै भइरहेको भारत र वंगलादेशबीचको खेलको नतिजा कुर्नुपर्नेछ।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]