अर्थ

सार्क राष्ट्रलाई आर्थिक शक्तिको रुपमा स्थापित गर्नुपर्ने अर्थमन्त्री कार्कीको भनाइ, यस्ता छन् समस्या
SHARES

कात्तिक २८, २०७४

    काठमाडौं : अर्थमन्त्री ज्ञानेन्द्रबहादुर कार्कीले विश्वको आर्थिक शक्तिको रुपमा सार्क क्षेत्रका मुलुकहरुलाई स्थापित गर्नुपर्ने बताएका छन्। उनले सार्क क्षेत्रको व्यापार सहजीकरण र पारवहन अवरोधलाई हटाउदै सार्क मुलुकलाई आर्थिक शक्तिको रुपमा विकास गर्नुपर्ने बताएका हुन्।

    मंगलबारदेखि काठमाडौंमा सुरु भएको दक्षिण एशियाली राष्ट्रहरुको १० औँ आर्थिक सम्मेलनलाई सम्बोधन गर्दै अर्थमन्त्री कार्कीले यस्तो बताएका हुन्। वाणिज्य मन्त्री मीनबहादुर विश्वकर्माले सार्क क्षेत्रका राष्ट्रहरुका साझा चुनौती भएको भन्दै यसको सम्बोधनमा केन्द्रित हुनुपर्ने बताए। उनले स्थायीत्व सहितको विकास सार्क राष्ट्रहरुको आवश्यधकता रहेको समेत बताए।

    भुटानका अर्थमन्त्री लिम्पो दोर्जीले नेपाल र भुटान आर्थिक विकासको लागि निकै सम्भावना बोकेका राष्ट्र भएको औल्याए। उनले यी दुई राष्ट्रमा भएको जलविद्युतको सम्भावनालाई प्रयोगमा ल्याउनको लागि मिलेर अघि बढ्ने समेत बताए।

    माल्दिभ्सका राज्यमन्त्री अब्दुललाथिफ मोहमदले सार्क क्षेत्रका समस्या समान भएकाले समाधान गरेर अघि बढ्न सक्नुपर्ने बताए। उनले सार्क राष्ट्रमा पर्यटनको सम्भावना बढी भएको भन्दै पर्यटक भित्र्याउन केन्द्रित हुनुपर्ने समेत बताए।

    मंगलबारदेखि सुरु भएको सम्मेलन तीन दिनसम्म चल्नेछ। सम्मेलनमा सार्क राष्ट्रहरुका २ सयभन्दा बढी नीतिनिर्माता, विज्ञ, निजी क्षेत्रको सहभागिता रहनेछ। सम्मेलनमा सार्क राष्ट्रका आर्थिक समस्या, समधान, सम्भावना र चुनौतीको विषयमा छलफल गरिनेछ। समावेशी, दिगो र एकीकृत आर्थिक योजनाका विषयमा समेत सम्मेलनमा छलफल गरिनेछ।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]