इलाम : मेची राजमार्गको किटेनी–कोल्बुङ सडक खण्डको रोङ गाँउपालिका– ४ मा रोड रोलर बोकेको ट्रक पल्टिँदा एक जनाको मृत्यु भएको छ। दुर्घटनामा रोलर चालक ३८ वर्षीय भीम नेम्वाङको मृत्यु भएको हो।
झापाबाट रोड रोलर बोकेर इलाम तर्फ आउदै गरेको ना ४ ख ३६९ नम्बरको ट्रक पिकअप टुटेर सडकबाट अन्दाजी दुई सय ५० तल खसेको जिल्ला ट्राफिक प्रहरी कार्यालय इलामले जनाएको छ।
घाइते ट्रक चालक इलाम नगरपालिका १० बस्ने ४६ वर्षीय सिंहराज महत र सहचालक सुनसरी भलुवाइ गाउँपालिकाका १५ वर्षीयको करण बीसीलाई उपचारका लागि झापास्थित बीएण्डसी अस्पताल लगिएको जिल्ला ट्राफिक प्रहरी कार्यालय इलामका प्रमुख पदम राईले जानकारी दिए।
तपाईंको ईमेल गोप्य राखिनेछ ।