नवलपरासी : नवलपरासीको गैडाकोट नगरपालिका विजयचोक नजिकै शनिबार राति ट्रकसँग मोटरसाइकल ठोक्किदा दुईजनाको मृत्यु भएको छ।
इलाका प्रहरी कार्यालय गैडाकोटका अनुसार कावासोतीबाट नारायणगढतिर जादै गरेको ना ४ ख ९७०८ नम्बरको ट्रकसँग सोही दिशातिर जाँदै गरेको ना ५० प ४४३४ नम्बरको मोटरसाइकल पछाडिबाट ठोक्किदा मोटरसाइकलमा सवार दुईजनाको मृत्यु भएको हो।
ज्यान जानेमा भरतपुर महानगरपालिका १६ बस्ने १९ वर्षका सन्दीप घिमिरे र २० वर्षका सुनिल शर्मा रहेका प्रहरीले जनाएको छ। दुर्घटनामा गम्भीर घाइते भएका दुवै जनाको उपचारको क्रममा मृत्यु भएको हो।
तपाईंको ईमेल गोप्य राखिनेछ ।