प्रदेश
जिल्लाः
निर्वाचन क्षेत्र
पार्टी

राजनीति

चुनावविरोधी गतिविधि गरेको आरोपमा पूर्वसभासद पक्राउ
SHARES

मंसिर ५, २०७४

    वीरगञ्ज : जिल्ला प्रहरी कार्यालय पर्साले मंगलबार नेत्रविक्रम चन्द विप्लव नेतृत्वको नेपाल कम्युनिष्ट पार्टीका २ जना नेतालाई पक्राउ गरेको छ। जिल्ला प्रहरी कार्यालय पर्साबाट खटिएको विशेष टोलीले नेपाल कम्युनिष्ट पार्टीका केन्द्रीय सदस्य इस्लाम हवारी र केन्द्रीय सदस्य अकलु यादवलाई पक्राउ गरेको हो।

    पूर्वसभासदसमेत रहेका हवारीलाई प्रहरीले वीरगञ्जको रानीघाटस्थित उनको घरबाटै मंगलबार बिहान नौ बजेतिर पक्राउ गरेको हो भने यादवलाई पनि वीरगञ्जबाटै सोधपुछको लागि हिरासतमा लिइएको पर्साका प्रहरी प्रवक्ता प्रहरी नायव उपरीक्षक प्रकाश सापकोटाले जानकारी दिए। विप्लव नेतृत्वको नेकपाले चुनाव विरोधी गतिविधि गरिरहेको आशंकामा सोधपुछका लागि उनीहरुलाई पक्राउ गरिएको प्रहरीको भनाइ छ।

    पर्सा प्रहरीले यसअघि गत शनिबार पनि विप्लव नेतृत्वको नेपाल कम्युनिस्ट पार्टीका भोजपुरा राज्य जनपरिषद् प्रमुख बिग्गा चौरसियालाई पक्राउ गरी हिरासतमा राखेको छ।

    निर्वाचनलाई लक्षित गरी विभिन्न जिल्लामा वम विष्फोट गराउँदै आएको विप्लव नेतृत्वको नेपाल कम्युनिष्ट पार्टीका नेता कार्यकर्तामाथि पर्सा प्रहरीले पनि विशेष निगरानी राखेको प्रहरी नायब उपरीक्षक सापकोटाले बताए।

विन्दुभूषण साह

साह थाहाखबरका पर्सा संवादाता हुन्।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]