प्रदेश
जिल्लाः
निर्वाचन क्षेत्र
पार्टी

राजनीति : निर्वाचन २०७४

भक्तपुर भोलाछेंमा एमाले र नेमकिपा कार्यकर्ताबीच झडप, मतदान भने जारी
SHARES

फाइल फोटो
मंसिर २१, २०७४

    भक्तपुर : भक्तपुर क्षेत्र नं. १ अन्तर्गत भक्तपुर नगरपालिका–६, भोलाछेंमा नेपाल मजदुर किसान पार्टी र नेकपा एमालेका कार्यकर्ताबीच झडप भएको छ। झडपमा प्रकाश थुसा, पूर्व वडाध्यक्ष कृष्णराम थुसा, केशव सत्ता, चन्द्र केशरी कुसाथा, रामदेवी थुसालगायत एक दर्जन एक दर्जन घाइते भएका छन्।

    भोलाछेंस्थित मतदान केन्द्रको करिब २ सय मिटर नजिक भएको सो घटनाका कारण मतदान प्रक्रियामा कुनै अवरोध नआएको मुख्य निर्वाचन अधिकृत भोजराज शर्माले बताए। उनले भने, ‘मतदान केन्द्रनजिक सामान्य विषयमा झडप भए पनि मतदान प्रक्रिया सुचारु भइरहेको छ।’

    भोलाछेंस्थित मतदान केन्द्रबाहिर मतदातालाई मतदाता नम्बर र क्रमसंख्या भिडाएर सहयोग गरिरहेका स्वयमसेवीहरुलाई मतदानस्थल अवलोकनका लागि पुगेका भक्तपुर क्षेत्र नं. १ को प्रदेशसभा २ मा वाम गठबन्धनका उम्मेदवार रोमन शिलाकारको टोलीमा सहभागीहरुले एक्कासी आक्रमण गरेको नेपाल क्रान्तिकारी युवा संघ (नेक्राविसंघ)का पूर्व अध्यक्ष प्रकाश थुसाले बताए।

    उनले भने, ‘स्वयंसेवीहरूले कुनै पार्टीको प्रचार गरिरहेको होइनभन्दा पनि कुरै नसुनी ती उम्मेदवारसँग आएका गुण्डाहरूले महिला, वृद्धवृद्धा केही नभनी हातपात ग¥यो। स्वयंसेवीहरूलाई बचाउने क्रममा ममाथि पनि आक्रमण भयो।’

    यता, नेकपा एमालेका जिल्ला नेता बालमुकुन्द सुवालले भने नेमकिपाले मतदातालाई प्रभावित गर्ने प्रयास भइरहेको अवस्थामा सामान्य विवाद मात्र भएको प्रतिक्रिया दिएका छन्।

लक्ष्मी गारु

गारु भक्तपुरमा रहेर पत्रकारितामा क्रियाशील छन्। उनी थाहाखबरसँग आवद्ध छन्।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]