राजनीति : निर्वाचन २०७४

पाँच दलले थ्रेसहोल्ड पार गर्ने पक्का, दुई दल संघर्षरत
SHARES

मंसिर २८, २०७४

    काठमाडौं : प्रतिनिधिसभा तथा प्रदेशसभा निर्वाचनको समानुपातिकतर्फको मतगणना जारी छ। करिब ७० प्रतिशत मत गनिसक्दा शीर्ष ३ सहित ५ दलले थ्रेसहोल्ड पार गर्ने पक्का भएको छ। नेकपा एमाले, नेपाली कांग्रेस, नेकपा माओवादी केन्द्रका अलावा मधेसकेन्द्रित दुई दल संघीय समाजवादी फोरम, नेपाल र राष्ट्रिय जनता पार्टी, नेपालले थ्रेसहोल्ड पार गर्ने पक्का भएको हो।

    यो समाचार तयार पार्दासम्म एमालेले सबैभन्दा बढी २५ लाख ९५ हजार मत पाएको छ। यस्तै कांग्रेसले २५ लाख ८ हजार र माओवादी केन्द्रले १० लाख २६ हजार मत पाएका छन्। यस्तै संघीय समाजवादीले ३ लाख ४७ हजार र राजपाले २ लाख ९३ हजार मत पाएका छन्।

    यसपटक १ करोड ५ लाख ८७ हजार मत खसेको निर्वाचन आयोगले जनाएको छ। यसमा ५ प्रतिशत बदर मान्ने हो भने करिब १ करोड मत सदर हुनसक्ने देखिन्छ। १ करोड सदर मतको ३ प्रतिशत हुन कम्तिमा ३ लाख मत पुग्नुपर्छ। जुन प्रतिनिधिसभामा समानुपातिक सिट पाउन थ्रेसहोल्ड हो। ४ दलले ३ लाख भन्दा बढी मत पाइसकेका छन् भने, राजपा यसको सम्मुखमा छ। त्यस हिसाबले यी ५ दलले समानुपातिक सिट पाउने पक्का छ।

    राप्रपा र विवेकशील संघर्षरत

    संविधानसभाको दोस्रो निर्वाचनमा समानुपातिकतर्फ उल्लेख्य मत पाएको राप्रपा यसपटक थ्रेसहोल्ड पार गर्न संघर्षरत छ। उसले हालसम्म १ लाख ६९ हजार मत पाएको छ। अझै सवा लाखभन्दा बढी मत उसलाई आवश्यक देखिन्छ, तर करिब ७० प्रतिशत मतगणना भइसकेको छ।

    नयाँ दल विवेकशील साझा पनि राप्रपाजस्तै थ्रेसहोल्ड पार गर्न संघर्षरत छ। उसले १ लाख ७१ हजार मत पाएको छ। बाँकी अन्य दलको सम्भावना भने लगभग सकिएको छ।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]