स्वास्थ्य

रोटरीको शिविरमा १ सय ५९ को निःशुल्क आँखा परीक्षण, २० जनालाई मोतिबिन्दु
SHARES

पुस १, २०७४

    तनहुँ : रोटरी क्लब अफ दमौलीद्वारा आयोजित निःशुल्क आँखा शिविरमा १५९ जनाको आँखा परीक्षण गरिएको छ। ग्रामीण क्षेत्रमा आर्थिक अभावका कारण आँखामा समस्या लिएर बसेका स्थानीयबासीलाई राहत पु¥याउने उद्देश्यले आँखा शिविर राखिएको क्लवले जनाएको छ।

    १५९ सेवाग्राहीमध्ये २० जनालाई मोतिविन्दु भएको रोटरी क्लब अफ दमौलीका प्रथम उपाध्यक्ष एवं आँखा शिविरका संयोजक दामोदर भण्डारीले जानकारी दिए। ती मोतिविन्दु भएका २० सेवाग्राहीको मणिपाल शिक्षण अस्पताल पोखराले निःशुल्क आँखाको शल्यक्रिया गर्ने भण्डारीले बताए।

    क्लबले ३५ जना सेवाग्राहीको लागि चस्मा बनाउन अर्डर समेत दिइएको भण्डारीले बताए। करिव ३५ हजारको आँखासम्बन्धी औषधिसमेत वितरण गरिएको बताइएको छ।

    मणिपाल शिक्षण अस्पताल पोखराका डा.सतबोध श्रेष्ठ, डा. विनिता थापा र प्राविधिक लक्ष्मण तिमिल्सेनाको टोली स्वास्थ्य परीक्षण गरेको क्लबका अध्यक्ष महेन्द्र न्यौपानेले बताए।

    उपचार गराउन आएकी सेवाग्राही ८२ वर्षीया मनमाया गुरुङ्गले भनिन्, ‘आफूलाई मोतिविन्दु भएकोले अन्धकारमा बस्नुपर्ने दुःख लागेको थियो। तर क्लवले आयोजना गरेको आँखा शिविरले अव आँखाको ज्योति सुरक्षित हुने भयो।’ 

    रोटरी क्लब अफ दमौलीको आयोजना, रोटर्‍याक्ट क्लब अफ दमौलीको सहआयोजना र मणिपाल शिक्षण अस्पताल पोखराको प्राविधिक सहयोगमा शुक्रबार भानु नगरपालिका १२ मिर्लुङ्ग ठूलोढुंगामा निःशुल्क आँखा शिविर आयोजना गरिएको हो। क्लबले जिल्लाका विकट र ग्रामीण क्षेत्रको विकास र स्थानीयवासीलाई सुसूचित गर्दै स्वास्थ्य सेवाको सेवा प्रदान गर्ने गरेको छ।

मिला दरै

पत्रकार मिला दरै थाहाखबरको तनहुँ जिल्ला संवाददाता हुन्। Email : darai.milamd@gmail.com

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]