राजनीति

समानुपातिक मतगणना सकियो, सिट बाँडफाँटमा समय लाग्ने
SHARES

५ दलले कटाए थ्रेसहोल्ड

समानुपातिकतर्फ राजनीतिक दलहरुले प्राप्त गरेको मतको अन्तिम नतिजा। स्रोत : निर्वाचन आयोग
पुस २, २०७४

    काठमाडौं : मंसिर १० र २१ गते दुई चरणमा भएको प्रतिनिधिसभा र प्रदेशसभा सदस्य निर्वाचनको समानुपातिकतर्फको मतगणना सकिएको छ। प्रत्यक्षतर्फको मतगणना यसअघि नै सकिइसकेको छ। 

    मंसिर २१ गते बेलुकीदेखि सुरु भएको मतगणना आइतबार बिहान सकिएको निर्वाचन आयोगले जानकारी दिएको हो। आइतबार बिहान सर्लाही क्षेत्र नम्बर २ को समानुपातिकको मतगणना सकिएसँगै सम्पूर्ण मतगणनाका काम सकिएको आयोगका प्रवक्ता नवराज ढकालले जानकारी दिए।

    आयोगले अहिले १६५ निर्वाचन क्षेत्रको मतपरिणाम संकलन गरिरहेको र त्यसलाई डाटा अपडेट गरिरहेको उनले बताए। मत गणना सकिए पनि कुन दललाई कति सिट मिल्ने भन्नेबारे निर्क्यौल गर्न अझै समय लाग्ने आयोगका अधिकारीले जानकारी दिएका छन्।

    समानुपातिकमा सबैभन्दा ठूलो दल नेकपा एमाले बनेको छ। उसले ३१ लाख ७३ हजार ४९४ मत प्राप्त गरेको छ। दोस्रो ठूलो दल बनेको नेपाली कांग्रेसले ३१ लाख २८ हजार ३८९ मत प्राप्त गरेको छ।

    तेस्रो स्थानमा रहेको माओवादी केन्द्रले १३ लाख ३ हजार ७२१ मत प्राप्त गरेको छ। राष्ट्रिय जनता पार्टी नेपालले ४ लाख ७२ हजार २५४ र संघीय समाजवादी फोरमले ४ लाख ७० हजार २०१ मत ल्याएर थ्रेसहोल्ड पार गर्न सफल भएका छन्। अब समानुपतिक सिट यी ५ दलबीचमात्र बाँडफाँट गरिने छ। समानुपातिकतर्फका कुल ११० सिटमध्ये एमालेले ४१, कांग्रेसले ४०, माओवादीले १७ तथा फोरम र राजपाले ६/६ सिट पाउने सम्भावना छ।

जयसिंह महरा

जयसिंह महरा राजनीति, अपराध, कला, साहित्य र संस्कृतिमाथि कलम चलाउँछन्। 

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]