साहित्य

हङकङबाट आयो ‘माइत जाने बाटो’
SHARES

पुस २६, २०७४

    हङकङमा बसोवास गर्दै आएकी चितवनकी कवि सुनिता गिरीको पहिलो कवितासंग्रह ‘माइत जाने बाटो’ बजारमा आएको छ। हङकङ साहित्यिक साझा शृंखलाकी सहसंयोजकसमेत रहेकी गिरीको कविताकृति नेपाल क्लब हङकङले प्रकाशन गरेको हो।

    हङकङमा आयोजित कार्यक्रममा यस कृतिको विमोचन गरिएको थियो। साहित्यकार तथा संस्कृतिविद् अतीत मुखिया, नेपाल क्लब र हङकङ नेपाली महासंघकी अध्यक्ष रीता गुरुङ, नेपाली साहित्य प्रतिष्ठानका अध्यक्ष टंक सम्बाहाम्फे, हङकङ साहित्यिक साझा शृंखलाका संयोजक डीबी पालुङ्वा, समीक्षक समाज हङकङका संयोजक हेमकुमार लावती, एभरेस्ट साप्ताहिकका प्रकाशक एवं सम्पादक किसन राई, विश्व नेपाली साहित्य महासंघ हङकङका अध्यक्ष चन्द्र मादेन ‘आन्छन्’, एनआरएनए हङकङकी अध्यक्ष टीका गुरुङलगायतले सामूहिक रूपमा कृतिको विमोचन गरेका थिए।

    समुच्च विचारकी प्रवर्तक तथा कवि दीपा एवाई राई र समीक्षक समाज हङकङका संयोजक हेमकुमार लावतीले कृतिको समीक्षा गरेका थिए। कवितासंग्रह अब्बल कृतिका रूपमा पाठकमाझ आएको उनीहरूको टिप्पणी थियो। कवि टोपबहादुर याक्खा, पूर्णिमा शाहलगायतले संग्रहभित्रका कविता वाचन गरेका थिए। कवि गिरीलाई विभिन्न संघसंस्थाका तर्फबाट सम्मान पनि गरिएको थियो।

    संग्रहमा सपनामा आमा, मृत्युलाई पत्र, रातो रङ, नारी र स्वतन्त्रता, जून, विश्वास, बिर्सिएका यादहरू, ग्रेटवाल, समाधिमा एक थुँगा फूल, बेलुन, फूलको समुद्र, अनिदो रात, प्रकृति, आमाको साथ छुट्दा, धरहरासँगै ढलेको धरहरा, माइत जाने बाटोलगायत शीर्षकका कविता पढ्न सकिन्छ।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]