सन् २०१७ पत्रकारहरुका लागि सर्वाधिक खतरनाक वर्ष
सन् २०१७ पत्रकारहरुका लागि सर्वाधिक खतरनाक वर्ष
अफगानिस्तामा वर्ष सन् २०१७ विभिन्न आक्रमणमा परेर २० सञ्चारकर्मी मारिएका छन् । ‘अफगान जर्नालिस्ट सेफ्टी कमिटी (एजेएससी) र इन्डिपेन्डेन्ट् मिडिया सेफ्टी गु्रप प्रोटेक्टिङ्ग द रिपोर्टरस् राइट्स्’ का अनुसार सन २०१६ को तुलनामा पत्रकारहरुमाथिको आक्रमण ६५ प्रतिशतले बढेको छ ।
पत्रकार हत्यामा तालिबानहरुको सबैभन्दा बढी संलग्नता रहेको बताइएको छ । एजेएससीका अनुसार सन् २०१७ मा अफगानिस्तानका पत्रकारहरुमाथि हत्या, हिंसा कुटपिट, ज्यान मार्ने, धम्की र चेतावनी जस्ता १६९ वटा घटना दर्ता भएका थिए ।
अमेरिका चिन्तित
अफगानिस्तानमा यस प्रकार भएका पत्रकारमाथिका हत्या हिंसाका घटनाप्रति अमेरिकाले ठूलो चिन्ता व्यक्त गरेको छ । अफगानिस्तानको पत्रकारिताको इतिहासमा सन् २०१७ इतिहासकै सबैभन्दा खतरनाक वर्षका रुपमा रहेको पनि अमेरिकाले जनाएको छ ।
‘अफगानिस्तानमा पत्रकारहरुमाथि बढ्दै गएको यो हत्या हिंसाका कारण यहाँको प्रेस स्वतन्त्रता एवम् पत्रकारहरुको सुरक्षामाथि नै ठूलो प्रश्न उठेको छ ,’ एजेएससीका प्रमुख नाजिब सरिफले भने ।
युद्धले आक्रान्त बनाएको अफगानिस्तानमा सन् १०१६ मा भएका विभिन्न क्रमणहरुमा १३ जना सञ्चारकर्मी मारिएका थिए । यस वर्ष अफगानिस्तानमा प्रेस स्वतन्त्रताको हनन्का पनि कैयौँ घटनाहरु भएको पाइएकोले आगामी दिनमा पत्रकारिता पेशा र पेशाकर्मीहरुको सुरक्षाका लागि धेरै काम गर्नुपर्ने देखिएको अधिकारकर्मीहरु बताउँछन् ।
तपाईंको ईमेल गोप्य राखिनेछ ।