राजनीति

एमालेले बनायो राष्ट्रियसभा उम्मेदवारका लागि मापदण्ड, केके भए निर्णय?
SHARES

पुस २८, २०७४

    काठमाडौं : नेकपा एमालेले राष्ट्रियसभा निर्वाचनका लागि उम्मेदवारको मापदण्ड तथा सिफारिसको विधि बनाएको छ। एमाले केन्द्रीय सचिवालयको शुक्रबार बसेको ४९औँ बैठकले विभिन्न मापदण्ड तय गरेको हो। पार्टी महासचिव ईश्वर पोखरेलको अध्यक्षता तथा कार्यबाहक अध्यक्ष कमरेड वामदेव गौतमको प्रमुख आतिथ्यमा बसेको बैठकले उक्त मापदण्ड तय गरेको हो।

    यसअनुसार संविधानको धारा ८७ बमोजिमको योग्यता पुगेका, पार्टीमा लामो योगदान गरेका, पार्टीसँग वैचारिक आबद्धता राख्दै समाजसेवा, संस्कृति, कला, साहित्य, विज्ञान, प्रविधिलगायत सामाजिक क्षेत्रमा विशिष्ट योगदान पुर्‍याएकाहरू उम्मेदवार बन्न पाउनेछन्।

    त्यस्तै, भौगोलिक तथा सामाजिक सन्तुलन कायम गरी स्थानीय, प्रदेशसभा तथा प्रतिनिधिसभा निर्वाचनमा उम्मेदवार नबनेका तथा समानुपातिक सूचीमा नाम समावेश नभएकाहरू, विभिन्न विषयका विज्ञ तथा विशेषज्ञहरू, राष्ट्रियसभा निर्वाचनको उम्मेदवार बन्न पाउने बैठकले निर्णय गरेको छ।

    प्रदेश संगठन कमिटीको सचिवालय बैठकबाट उपरोक्त मापदण्डअनुसारको नाम सिफारिस गरी माघ ५ गतेभित्र पार्टी केन्द्रीय कार्यालयमा पठाइसक्नसमेत बैठकले सर्कुलर गरेको छ।

    राष्ट्रियसभा निर्वाचनमा मतदान गर्ने निर्वाचनमण्डलका सदस्यहरूलाई एकल संक्रमणीय मत प्रणालीका सम्बन्धमा प्रशिक्षण दिने व्यवस्था सम्बन्धित प्रदेश संगठन कमिटीले गर्नुपर्ने बैठकले निर्णय गरेको छ।

    केही दिनयता तराई–मधेसमा चलेको शीतलहरबाट ज्यान गुमाउने व्यक्तिहरूप्रति श्रद्धाञ्जलि व्यक्त गर्दै तत्काल न्यानो कपडा, दाउरा तथा आवश्यक राहत उपलब्ध गराउन बैठकले सरकारको ध्यानाकर्षण गराएको छ।

    यस्तै, केही दिनयता फैलिएको भाइरल ज्वरोबाट जाजरकोटमा धेरै व्यक्तिको ज्यान गएको र कतिपय गम्भीर बिरामी परेको स्थितिप्रति गहिरो दुःख व्यक्त गर्दै प्रभावित क्षेत्रमा तत्काल स्वास्थ्य टोली पठाउन तथा पर्याप्त औषधिको व्यवस्था गर्न बैठकले सरकारको ध्यानाकर्षण गराएको छ। शीतलहर तथा भाइरल ज्वरोबाट प्रभावित क्षेत्रमा पार्टीको तर्फबाट राहत उपलब्ध गराउन सम्बन्धित तहका पार्टी कमिटीहरूलाई तत्काल परिचालित हुनसमेत बैठकले आग्रह गरेको छ।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]