राजनीति

नेपाल–भारत बोर्डर सीमा बैठक: अतिक्रमण रोक्न भारतीय पक्ष तयार, ७ सय पिल्लर निर्माण
SHARES

पुस २९, २०७४

    भद्रपुर, (झापा): पूर्वी नेपालको ताप्लेजुङ्देखि झापा हुँदै सुनसरीसम्मको सीमा पिलर भित्र पर्ने दशगजा अतिक्रम रोकथामका लागि नेपाल–भारत दुवै देशका सुरक्षा निकाय सहमत भएका छन्। भारतको बिहार राज्यस्थित किशनगंज जिल्लाको डीआरडीए सभाघर रचना भवनमा शुक्रबार आयोजित प्रदेश नम्बर १ स्तरीय नेपाल–भारत बोर्डरको प्रशासन तथा प्रहरी प्रमुखसँग भएको सीमासम्बन्धी बैठक राखिएको हो। बैठकमा दुवै देशका सुरक्षा निकाय सीमा अतिक्रम रोक्न सहमत भएका हुन्।

    दशगजा भित्रको जमिन अतिक्रमण भए भारतसँगको सहकार्यमा त्यसको स्थलगत सर्वे गरी अतिक्रमण हटाइने सहमति भएको जिल्ला प्रहरी कार्यालय झापाका प्रहरी उपरीक्षक बिष्णुकुमार केसीले जानकारी दिए।

    सीमासम्बन्धी कुनै मुद्धा बल्झिए दुवै देशका प्रशासनिक तथा प्रहरी प्रमुखले त्यस बारेमा छलफल गरेर मुद्धा टुंगो लगाउने

    ‘दुवै देशको सीमांकन पिलर हराएको वा भत्किएको भए, त्यसको पनि सर्वे गरिनेछ' प्रहरी उपरीक्ष केसीले भने, ‘अनि त्यस ठाँउमा नयाँ पिलर राखिने बारेमा लिखित सहमति भयो।’

    सीमासम्बन्धी कुनै मुद्धा बल्झिए दुवै देशका प्रशासनिक तथा प्रहरी प्रमुखले त्यस बारेमा छलफल गरेर मुद्धा टुंगो लगाउने सहमति भएको छ। बिहार सुपौल डिएम बैद्यनाथ यादवको अध्यक्षता भएको बैठकमा नेपालको तर्फबाट झापाका प्रमुख जिल्ला अधिकारी ऋषिराम तिवारी, ताप्लेजुङ, पाँचथर, इलाम, झापा, मोरङ, सुनसरी जिल्लाका प्रशासन तथा नेपाल प्रहरी, सशस्त्र प्रहरी प्रमुखको सहभागिता जनाएका थिए। भारतको तर्फबाट सुपौल, दार्जिलिङ, सिक्किम, किशनगंजका प्रशासन, एसएसबी, भारतीय प्रहरी प्रमुखको सहभागिता थियो।

    एक घण्टासम्म चलेको बैठकमा बिशेष गरी तीन विषयमा छलफल गरिएको छ। केसीका अनुसार मेची नदीमा आएको बाढीले भत्काएको वा बगाएको पिलरहरू हराएकोले त्यस स्थानमा नयाँ पिलर राखिने, नदीमा देखिने डाँलफिनको संरक्षणमा ध्यान दिइने र विराटनगर– जोगवनी जोड्ने दशगजा क्षेत्रमा सीमा चिन्ह खडा गरी अतिक्रमण मुक्त पारिने माथि छलफल भएको थियो।

    पूर्वको सीमा क्षेत्रमा ७०० पिलर निर्माण

    पूर्व क्षेत्रको ताप्लेजुङदेखि सुनसरी सम्मको नेपाल–भारत सीमानामा १ हजार १७३ पिलर निर्माण गर्नुपर्ने छ। त्यसमध्ये ७ सय पिलर निर्माण भइसकेको ४ सय ७३ पिलर निर्माण हुन बाँकी छ। सर्वे अफ नेपाल भारतका पदाधिकारीका अनुसार सीमा क्षेत्रमा साना, मझौला र ठूला गरी १ हजार १७३ पिलर निर्माण गर्नुपर्ने छ।

    बाढीले बगाएको पिलरको हकमा अहिले दुवै देशका सर्वे टोलीले मेसीन मार्फत सर्वे सुरू गरिसकेको छ। सर्वे पश्‍चात चिन्ह लगाएर नयाँ पिलर राखिने छ। झापा र मोरङसँग जोडिएको किशनगंज सीमा क्षेत्रमा मात्र १ सय ९१ वटा पिल्लर निर्माण हुन बाँकी देखिन्छ। त्यस्तै नेपाल–भारतको सीमा बैठकमा मेची नदीमा देखिने डाँलफिनको संरक्षण गर्दै  पिलर निर्माण गर्नु पर्ने दुई पक्षिय अधिकारीहरूले सहमति जनाएका छन्।

पार्थ मण्डल

पत्रकार मण्डल थाहाखबरका झापा (भद्रपुर) संवाददता हुन्।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]