महोत्तरी : बर्दिबास–९ पशुपतिनगरमा चिसोले कठ्यांग्रिएर बिहीबार एक महिलाको मृत्यु भएको छ। घरमा सुतेकी स्थानीय ६० वर्षीय रामपरीदेवी कोइरीको बिहान मृत अवस्थामा भेटिएकी जिल्ला प्रहरी कार्यालयले जनाएको छ। न्यानो ओड्ने र ओच्छ्याउने अभावमा उनको मृत्यु भएको प्रहरीले जनाएको छ।
यसअघि गत पौष २७ गते गौशाला ११ की ७० वर्षीया बटिनी सदा र पौष २६ गते पिपरा गाउँपालिका–४ का अन्दाजी ६५ वर्षीय सुरेन्द्र मिश्रको चिसोबाटै कठ्यांग्रिएर मृत्यु भएको थियो। यस्तै गत पुस २९ गते गौशाला ४ मलहनियाँका ६० वर्षीया भोला सदाको चिसोबाटै कठ्यांग्रिएर मृत्यु भएको स्थानीय गोपी साहले जानकारी दिए।
मृत्यु हुने सबै गरीब तथा अति विपन्न परिवारका भएको प्रहरीले जनाएको छ।
तपाईंको ईमेल गोप्य राखिनेछ ।