मकवानपुर : प्रदेश नम्बर ३ का सांसदहरुको शपथ ग्रहण सम्पन्न भएको छ।
क्षेत्रीय शिक्षा निर्देशनालयको सभाकक्षमा प्रदेश नम्बर ३ की प्रमुख अनुराधा कोइरालाको उपस्थितिमा सांसदहरुको शपथ ग्रहण कार्यक्रम सम्पन्न भएको हो।
प्रदेश नम्बर ३ का सांसदहरुलाई ज्येष्ठ सदस्यको हैसियतले मकवानपुर प्रतिनिधिसभा क्षेत्र नम्बर १ प्रदेशसभा ‘ख’ बाट निर्विचत सांसद डोरमणि पौडेलले शपथ ग्रहण गराएका हुन्।
सुरुमा प्रदेश प्रमुख कोइरालाले पौडेललाई शपथ गराएपछि उनले १०९ सांसदलाई शपथ गराएका हुन्।
प्रदेश नम्बर ३ को अस्थायी राजधानी हेटौँडालाई तोकेको छ। जहाँ ३ नम्बर प्रदेश प्रदेशअन्तर्गत काठमाडौं, भक्तपुर, ललितपुर, मकवानपुर, काभ्रेपलाञ्चोक, सिन्धुपाल्चोक, चितवन, धादिङ, रसुवा, नुवाकोट, दोलखा, रामेछाप र सिन्धुलीबाट निर्वाचित प्रदेशसभा सदस्यहरुले शपथ लिएका हुन्।
प्रदेशसभाका सदस्यहरु कोही जातीय तथा सांस्कृतिक पहिरनमा शपथ ग्रहण गर्न आएका थिए।
हेर्नुहोस् फोटो:
तपाईंको ईमेल गोप्य राखिनेछ ।