समाज

नागरिकता लिने क्रममा माेरङमा भेटिइन् मुलुककै हाेची युवती
SHARES

३२ इन्चकी १९ वर्षीया मालतीले पाउनेछिन् मासिक दुई हजार रुपैयाँ भत्ता

माघ १५, २०७४

    सुनसरी : नेपालकै होचो कदको भएको दाबी गरिएकी एक जना युवतीलाई मोरङको सुन्दरहरैंचा नगरपालिकाले मासिक दुई हजार रुपैयाँ भत्ता दिने भएको छ। सुनसरीको इटहरीसँग सीमाना जोडिएको सुन्दरहरैंचा–४ की १९ वर्षीया मालती मुरर (ऋषिदेव)को उचाई ३२ इन्च र तौल १४ केजी मात्र छ। 

    १८ भदौ ०५६ मा जन्मिएकी मालती रमेशकुमार मुरर र मीनाकुमारीको पहिलो सन्तान हुन्। जन्म सामान्य रूपमा भएपनि एक वर्षपछि उनको उचाइ बढ्ने क्रम ढिलो गतिमा भएको मालतीकी आमा मीनाकुमारीले बताइन्।

    नगरपालिकाका प्रखुम शिवप्रसाद ढकालले आइतबार पत्रकार सम्मेलन गरी मालतीको भरण पोषणमा सामाजिक सुरक्षाबापत मासिक २ हजार रुपैयाँ दिन सुरु गरेको जानकारी दिए। उनले भने, ‘हामीलाई उनको विषयमा वडा कार्यालयबाट जानकारी प्राप्त भएपछि भरण पोषणका लागि सहयोग दिन सुरु गरेका हौं।’

    नागरिकता बनाउन वडा कार्यालयमा सिफारिस लिन गएपछि वडाअध्यक्ष शैलेन्द्र श्रेष्ठले मालतीलाई मालतीबारे थाहा पाएको प्रमुख ढकालले बताए। मुरर परिवारले नजिकैको बुढीखोलामा बालुवा चाल्ने काम गरी गुजारा चलाउँदै आएका छन्।

    आर्थिक अवस्था नाजुक भएकाले मालतीको स्वास्थ्य परीक्षण गर्न विराटनगरस्थित नोबेल अस्पतालसँग छलफल अघि बढाएको र अस्पतालले पनि सकारात्मक जवाफ दिएको नगरपालिकाका प्रमुख ढकालले जानकारी दिए।

अर्जुन सुवेदी

पत्रकार सुवेदी थाहाखबरका सुनसरीस्थित संवाददाता हुन्।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]