खेलकुद

अयोजकलाई पराजित गर्दै दुर्गापुर स्टिल क्लब बुढासुब्बा गोल्डकपको सेमिफाइनलमा
SHARES

माघ २१, २०७४

    सुनसरी : अयोजकलाई पराजित गर्दै भारतको दुर्गापुर स्टिल क्लब धरानमा जारी बुढासुब्बा गोल्डकप फुटबल प्रतियोगिताको सेमिफाइनलमा प्रवेश गरेको छ।

    आइतबार भएको दोस्रो क्वार्टर फाइनल खेलमा आयोजक धरान फुटबल क्लबलाई सडेन डेथमा पराजित गर्दै दुर्गापुर स्टिल सेमिफाइनलमा प्रवेश गरेको हो।

    प्रस्तावित क्षेत्रीय रंगशाला धरानमा आइतबार भएको खेलमा दुवै टिमबाट निर्धारित र अतिरिक्त समयमा दुई–दुई गोल मात्र भएपछि खेलको निर्णय ट्राइब्रेकरबाट लिइएको थियो। 

    पहिलो हाफमा दुई गोलले अग्रता लिएको आयोजक धरान क्लबले सो अग्रता जोगाउन नसक्दा पहिलो खेलबाटै बाहिरिन बाध्य भएको हो। खेल सुरु भएको तीन मिनेटमै धरानका रोमन लिम्बूले एक गोल गरी आफ्नो टिमलाई अग्रता दिलाएका थिए। त्यसको १५ मिनेट बित्न नपाउँदै आयोजककै वर्तमान राईले खेलको १३औँ मिनेटमा गोल गरेपछि पाहुना टोली २–० ले पछि पर्‍यो। 

    आयोजकले दबाबमा राखेको दुर्गापुरका लागि खेलको ३३औँ मिनेटमा शशिकान्त सुरले एक गोल गरेपछि धरान दबाबमा पर्‍यो। एक गोलले पछि परेको दुर्गापुरले पहिलो गोल गरेको २ मिनेट बित्न नपाउँदै शुभम थापाले एक गोल गरेपछि खेल २–२ को स्कोरमा पुग्यो। त्यसपछि खेलको निर्धारित र अतिरिक्त समयमा दुवै टिमले थप गोल गर्न नसकेपछि खेलको निर्णय ट्राइब्रेकरमा धकेलियो। ट्राइब्रेकरमा पनि धरान अभागी सावित भयो र दुर्गापुर विजयी भयो। विजेता दुर्गापुरले मंगलबार हुने थ्री स्टार र सुदूरपश्चिम ११ बीचको विजेतासँग सेमिफाइलनमा प्रतिस्पर्धा गर्नेछ। 

    सोमबारको खेल नेपाल पुलिस र काँकडभिट्टा फुटबल ट्रेनिङ सेन्टरबीच हुने आयोजकले जनाएको छ। माघ २७ गतेसम्म चल्ने प्रतियोगितामा एक पाहुना टोलीसहित आठवटा टिम सहभागी छन्। प्रतियोगिता विजेताले नगद  छ लाख रुपैयाँसहित ट्रफी पाउनेछ भने उपविजेताले नगद तीन लाख रुपैयाँसहित ट्रफी पाउनेछ। 

    सर्वोत्कृष्ट खेलाडीले यमाहा कम्पनीको बाइक प्राप्त गर्नेछ भने २५ हजार रुपैयाँसहित मेडल र ट्रफी पनि प्रदान गरिने आयोजकले जानकारी दिएको छ।

अर्जुन सुवेदी

पत्रकार सुवेदी थाहाखबरका सुनसरीस्थित संवाददाता हुन्।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]