नुवाकोट : रसुवाको वेत्रावतीबाट पानी भर्न मैलुङतर्फ जाँदै गरेको ट्यांकर उत्तरगया– ५ खाल्टेमा दुर्घटना हुँदा चालक नवराज श्रेष्ठको मृत्यु भएको छ।
बा२ख ७४१६ नमबरको उक्त ट्यांकर खाल्टेस्थित सडकमा दुर्घटना भएर त्रिशूली नदीमा डुब्दा चालक विदुर नगरपालिका– ३ का २५ वर्षका श्रेष्ठको मृत्यु भएको रसुवा प्रहरीले जनाएको छ।
बिहान करिव ११ बजे दुर्घटना भएको ट्यांकर त्रिशूली नदीमा डुबेपछि श्रेष्ठको शव अपराह्न साढे २ बजे मात्र स्थानीयवासीको सहयोगमा नदीबाट बाहिर निकालिएको इलाका प्रहरी कार्यालय कालिकास्थानका प्रहरी निरीक्षक सानुबाबु भण्डारीले जानकारी दिए।
ट्यांकर सडकबाट करिव ५० मिटर तल पुगेर नदीमा डुबेकाले उद्धारमा ढिलाइ भएको प्रहरीले जनाएको छ। शव परीक्षणका लागि जिल्ला अस्पताल त्रिशूली नुवाकोट ल्याइएको छ।
तपाईंको ईमेल गोप्य राखिनेछ ।