राजनीति

एमाले-माओवादी एकता : ओली र प्रचण्डबीच निर्णायक वार्ता सुरु
SHARES

फागुन १, २०७४

    काठमाडौं : पार्टी एकताबारे निर्णायक छलफल गर्न नेकपा एमालेका अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल प्रचण्डबीच ललितपुरमा वार्ता सुरु भएको छ।

    ललितपुरको मानभवनस्थित शारदा अधिकारीको घरमा अध्यक्ष ओली र प्रचण्डबीच वार्ता भइरहेको छ। सोमबार दुई अध्यक्षबीच भएको छलफल पार्टी एकता नजिक पुगेको बताइएको थियो। 

    उक्त वार्तापछि एमाले र माओवादी नेताहरुले पार्टी एकता निर्णायक चरणमा पुगेको बताएका थिए। त्यसकारण मंगलबारको वार्तालाई अर्थपूर्ण र चासोका रुपमा हेरिएको छ। ओली र प्रचण्डबीच ३ घण्टा चलेको वार्तामा पार्टी र सरकारको नेतृत्व, सैद्धान्तिक विषय एवं सांगठनिक विषयमा छलफल भएपनि निर्णय भएको थिएन। 

    यद्यपी यस विषयमा कसैले मुख भने खोलेका छैनन्। 

    मंगलबार २३ औं जनयुद्ध दिवसका सन्दर्भमा वाइसिएल नेपाललले माओवादी मुख्यालय पेरिसडाँडामा आयोजना गरेको कार्यक्रममा प्रचण्डले आज नै पार्टी एकताकाबारे सहमति गर्न आफुहरुले प्रयास गरिरहेको बताएका थिए। 

    पार्टी एकताका लागि सहमति गर्दा खासगरी पार्टी र सरकारको नेतृत्व, संगठनको स्वरुप र पार्टीको नीति लगायतका विषयमा सहमति जुटाउन वार्ता भइरहेको छ। दुई नेताबीच सहमति पश्चात् एकताको खाका तयार गरेर पार्टी एकता संयोजन समितिको बैठक बस्ने बताइएको छ।

    यो पनि पढ्नुहोस्:

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
इमेल: ad@thahakhabar.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]