समाज

भ्यालेन्टाइन डेमा नगरपालिकाको उपहार : रोज गार्डेन
SHARES

फागुन २, २०७४

    दमक(झापा) : भ्यालेन्टाइन डेको अवसर पारेर दमक नगरपालिकाले रोज गार्डेन निर्माण प्रारम्भ गरेको छ। माया गर्ने सबैलाई यस वर्षको भ्यालेन्टाइन डेको उपहारको रूपमा गार्डेन निर्माणको योजना सुरु गरिएको नगरपालिकाले जनाएको छ।

    ‘माया प्रेम गर्ने श्रीमान–श्रीमती वा मायालु जोडीका लागि मात्र नभई नगरको एउटा मनोरम स्थानको रूपमा यसलाई विकास गरिने छ’, शिलान्यास कार्यक्रममा नगर प्रमुख रोमनाथ ओलीले भने। 

    गमलामा प्रेमको प्रतिक गुलाफ रोपेर नगर प्रमुख ओली तथा उपप्रमुख गीता अधिकारीले गार्डेनको शिलान्यास गरेका हुन्।  गार्डेनमा विभिन्न प्रकारका गुलाफका फूलहरू हुर्काइने र मनोरञ्जन तथा भेटघाटको आकर्षक थलोका रूपमा विकास गरिने उपप्रमुख अधिकारीले बताएकी छन्। दमक–७ मा पञ्चायत रजत स्मारक रहेको करिब ८ कठ्ठा जमिनको संरक्षण गर्दै गार्डेन निर्माणको सुरुवात गरिएको वडाध्यक्ष भीम पौडेलले बताए। ४० लाख रुपैयाँको लागतमा यसको निर्माण पूरा हुने नगरपालिकाका प्रमुख प्रशासकीय अधिकृत युवराज दाहालले जानकारी दिए।

    ‘यसको निर्माणले अब तुरुन्तै तिव्रता पाउने छ’,उनले भने,‘अर्को सालको भ्यालेन्टाइन डे नगरबासीहरूले यही गार्डेनमा मनाउन पाउने गरी काम अघि बढ्छ।’ पार्कको आर्किटेक्ट गरेका पारस खड्काले पञ्चायत स्मारको पनि संरक्षण गर्दै त्यसको वरिपरि पोखरीको डिजाईन गरिएको जानकारी दिए। सुरुवाती क्रममा गार्डेनमा १६ प्रकारका गुलाफको बगैँचा रहने बताए।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]