काठमाडौं : काठमाडौंको तीनकुनेस्थित वागमती पुलनजिकै भेटिएको शंकास्पद वस्तुलाई सेनाले निष्क्रिय पारेको छ। पुलनजिकै रूखमुनि झोलामा 'खतरा' भनेर राखिएको वस्तु बम हुन सक्ने भन्दै प्रहरीले सुरक्षा व्यवस्था कडा बनाएर नेपाली सेनाको बम डिस्पोजल टोलीलाई बोलाएको थियो। खाली झोलाभित्र कागजका पोका मात्र राखेको महानगरीय प्रहरी वृत्त नयाँ बानेश्वरका प्रहरी नायव उपरीक्षक रवि पौडेलले बताए।
सेनाले बमको आशंका गरिएको वस्तु निष्क्रिय पार्न खोज्दा खाली झोला मात्र भएको र सेनाको डेटोनेटर मात्र पड्केको पौडेलले बताए। उक्त झोला विप्लव नेतृत्वको नेपाल कम्युनिस्ट पार्टीका कार्यकर्ताले राखेको हुन सक्ने पैडेलले बताए। नेकपाले आफ्ना कार्यकर्तामाथि सरकारले ज्यादती गरेको भन्दै मंगलबार नेपाल बन्दको घोषणा गरेको थियो।
तपाईंको ईमेल गोप्य राखिनेछ ।