काठमाडौं : मन्त्रालयको विषयमा एमाले र माओवादीबीच भागबण्डा मिलेको छ । प्रधानमन्त्री तथा नेकपा एमालेका अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल प्रचण्डबीच बिहीबार भएको छलफलमा मन्त्रालयको भागवण्डा टुंगिएको हो।
जसअन्तर्गत एमालेले अर्थ, परराष्ट्र, भौतिक पूर्वाधार, सञ्चार, संघीय मामिला तथा सामान्य प्रशासन लगायतका १० मन्त्रालय राखेको छ भने माओवादीको भागमा गृह र उर्जासहित ७ मन्त्रालय परेको छ।
दुई दलबीच प्रधानमन्त्री कार्यालयसहित १८ मन्त्रालय राख्ने सहमति बुधबार नै जुटेको बताइएको छ। मन्त्रालय भागवण्डा टुंगिएसँगै एमाले र माओवादीका नेताहरु मन्त्री छनोटको गृहकार्यमा जुटेका छन्।
प्रधानमन्त्री ओलीले अर्थ र परराष्ट्रमन्त्रीमा व्यक्ति पनि हेर्नु पर्ने भनेपछि यी मन्त्रालय एमालेले राखेको बताइएको छ। माओवादीले भौतिक पूर्वाधार र पर्यटन मन्त्रालय मागेको थियो तर, दुबै मन्त्रालय एमाले आफैंले राखेको छ।
एमालेले पाएका मन्त्रालयहरु
१- अर्थ तथा योजना
२- परराष्ट्र
३- रक्षा
४- भौतिक पूर्वाधार तथा यातायात
५- संघीय मामिला तथा सामान्य प्रशासन
६- सूचना सञ्चार
७- कानुन, न्याय तथा संसदीय मामिला
८- पर्ययन
९- शिक्षा तथा खेलकुद
१०- स्वास्थ्य तथा जनसंख्या
माओवादीले पाएको मन्त्रालयहरु
१- गृह
२- जलस्रोत तथा ऊर्जा
३- उद्योग, वाणिज्य तथा आपूर्ति
४- शहरी विकास, आवास खानेपानी तथा सरसफाइ
५- वन तथा वातावरण
६- कृषि, सहकारी तथा भूमि व्यवस्थापन
७- श्रम तथा रोजगार तथा महिला बालवालिका
तपाईंको ईमेल गोप्य राखिनेछ ।