समाज : सुरक्षा/अपराध

दिल्ली लैजाँदै गरेका ३ महिलाको उद्धार, एक भारतीय नागरिक पक्राउ
SHARES

फागुन १०, २०७४

    भद्रपुर, (झापा) : सशस्त्र प्रहरीले झापाको दक्षिणी नाकाबाट भारतको दिल्लीतर्फ जाँदै गरेका ३ महिलाको उद्धार गरेको छ। ती महिलाहरूलाई भारत लैजाने एक भारतीय नागरिक समेत सशस्त्र प्रहरीले पक्राउ गरेको छ।

    इलाम जिल्ला फिक्कल नगरपालिका– ५ की ३५ वर्षकी कमला राई, सोही ठाउँ निवासी १८ वर्षकी निछा राई र झापा मेचीनगर नगरपालिका (साविक बाहुनडाँगी ६) निवासी ३२ वर्षकी सृजना राईलाई उद्धार गरिएको सशस्त्र प्रहरी बल बोर्डर आउट पोष्ट टाघनडुब्बाका सशस्त्र प्रहरी निरीक्षक हरि बरुवालले जानकारी दिए। 

    उनीहरूलाई भारत लैजाने भारतको विहार राज्यस्थित किशनगन्ज जिल्ला धनतोला ग्राम पंचायत निवासी २५ वर्षका मख्तार आलमलाई पक्राउ गरिएको सशस्त्र प्रहरी निरीक्षक बरुवालले बताए। सशस्त्र प्रहरीले उनीहरूको साथबाट २ थान नागरिकता बरामद गरेको छ।

    झापा गाउँपालिका– १ स्थित लसुना नाकाबाट भारततर्फ गइरहेका उनीहरूलाई शंका लागेर सशस्त्र प्रहरीले नियन्त्रणमा लिएका थिए। नियन्त्रणमा लिएर सशस्त्र प्रहरीले अनुसन्धान गर्दा उनीहरू रोजगारीको सिलसिलामा भारतको दिल्लीतर्फ गइरहेको खुल्नमा आएको बरुवालले बताए। ‘तीन दिनअघि इलामबाट दुई महिला झापा आएका हुन्’, उनले भने, ‘उनीहरू झापा आएर बाहुनडाँगी बसेका थिए।’ 

    ती महिलासँग आलमको भेटघाट सडकको नाला बनाउने क्रममा इलाममा भएको उनले बताए। यता, सशस्त्र प्रहरीले उद्धार गरिएका ३ महिला र पक्राउ परेका भारतीय नागरिकलाई थप अनुसन्धानका लागि इलाका प्रहरी कार्यालय कुमरखोदमा बुझाइसकेको जनाएको छ।
     

पार्थ मण्डल

पत्रकार मण्डल थाहाखबरका झापा (भद्रपुर) संवाददता हुन्।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]