रुकुम : पश्चिम रुकुम चौरजहारी नगरपालिका १३ मा आगलागी भएको छ। शनिबार बेलुका स्थानीय प्रकाश बुढाथोकीको घरमा आगलागी हुँदा घरगोठ र धनमाल समेत जलेर नष्ट भएको हाे।
नगरपालिका वडा अध्यक्ष टंक ओलीकाअनुसार आगलागीबाट एउटा घर पूर्ण रुपमा क्षति हुनुका साथै गाेठ र घरभित्रको अन्न, कपडा र नगद २ लाख ८० हजार नगद समेत नष्ट भएको परिवारले बताएको छ।
परालको टौवाबाट सुरु भएको आगो घरमा सल्किएको थियो। आगलागीबाट मानवीय क्षति नभएपनि गोठसँगै बाँधिएका ३ बाख्रा मरेका छन्। आगलागीका कारण १३ लाख बराबरको क्षति भएको जनाइएको छ। आगलागी पीडित परिवार अहिले छिमेकीको घरमा बसेका छन्।
तपाईंको ईमेल गोप्य राखिनेछ ।