अर्थ

५ प्रतिशतभन्दा बढी व्याज अन्तर कायम गर्ने संस्थालाई कारवाही हुने
SHARES

फागुन २९, २०७४

    काठमाडौं : नेपाल राष्ट्र बैंकले पाँच प्रतिशतको सीमाभन्दा बढी ब्याजदर अन्तर गरे बैंकहरूलाई कारवाही गर्ने चेतावनी दिएको छ। विशेषगरी विकास बैंक र वित्त कम्पनीहरूले राष्ट्र बैंकले तोकेको सीमाभित्र कारवाही गर्न नसकिने प्रतिक्रिया दिइरहेका बेला राष्ट्र बै‌ंकले यस्तो चेतावनी दिएको हो। 

    राष्ट्र बैंकले २०७५ असोजपछि आर्थिक वर्षको कुनै समयमा औसत ब्याजदर अन्तर पाँच प्रतिशतभन्दा बढी भएमा वाणिज्य बैंक, विकास बैंक र वित्त कम्पनीलाई सिधै कारवाही गर्ने जनाएको छ।

    वाणिज्य बैंकको शाखा कार्यालय नभएका स्थानीय तहबाहेकका स्थानमा शाखा विस्तार गर्न रोक लगाउने, भूकम्पपीडितलाई प्रदान गरिनेबाहेकका पुनर्कर्जा सुविधा प्रदान नगर्ने र सम्बन्धित आर्थिक वर्षको बोनस शेयरको कर प्रयोजनबाहेकका नगद लाभांश घोषणा तथा वितरण गर्न रोक लगाउने नियम कारवाहीको रूपमा राष्ट्र बैंकले अघि सारेको छ। 

    त्यसैगरी राष्ट्र बैंकले कर्जा/स्रोत परिचालन अनुपात (सिसिडी रेसियो)को दैनिक अनुगमन गर्ने र मासिक औसतका आधारमा तोकिएको अनुपात नाघेमा हर्जना लगाउने उल्लेख गरेको छ। उसले हर्जना लगाउने विधि तय गर्दै प्रत्येक महिनाको १ गतेदेखि मसान्तसम्मको प्रत्येक कार्यदिन (सार्वजनिक बिदाबाहेक)को आधारमा औसत अनुपात निर्धारण गर्ने उल्लेख गरेको छ।

    राष्ट्र बैंकका अनुसार प्रत्येक महिनाको मासिक औसत कर्जा बक्यौता रकममा ८० प्रतिशतले कायम हुने मासिक औसत रकम घटाएर बैंक दरले गुणन गर्ने र त्यसलाई एक सयलाई १२ ले गुणा गरी भाग गर्दा आउने रकम हर्जनाका रूपमा लिइनेछ।
     

भागवत भट्टराई

भागवत भट्टराई आर्थिक र समसामायिक विषयमा रिपोर्टिङ गर्छन्। 

@BhagwatBhattrai

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]