नवलपरासी: रकम अभावका कारण नवलपरासी र रुपन्देहीमा सञ्चालित राष्ट्रिय आयोजना अलपत्र परेका छन्। डिभिजन सडक कार्यालय बुटवलका अनुसार पर्याप्त बजेट प्राप्त नहुँदा नवलपरासी र रुपन्देहीमा सञ्चालित पुल, सडकलगायतका राष्ट्रिय आयोजना अलपत्र परेका हुन्।
अहिले नवलपरासी र रुपन्देहीमा गरी कूल ६२ वटा पक्की पुल र केही सडकको स्तरोन्नतिका आयोजना सञ्चालनमा रहेका छन्। रकम अभावकै कारण अधिकांश आयोजनाको काम बीचैमा बन्द हुन पुगेको डिभिजन सडक कार्यालयका लेखा अधिकृत विष्णुबहादुर रायमाझीले जानकारी दिए।
हालसम्म कूल १२ करोडको अख्तियार मात्र प्राप्त भएको छ। एक अर्ब रुपैयाँ बराबरको काम सम्पन्न भइसकेको छ। लेखा अधिकृत रायमाझीले भने 'रकम दिन नसकेपछि अधिकांश काम बन्द भई आयोजना अलपत्र परेको हो।'
कार्यालयका अनुसार ती सबै आयोजना सम्पन्न गर्न करिब छ अर्ब रुपैयाँ लाग्ने देखिन्छ। एक अर्ब रुपैयाँ बराबरको काम भइसकेको छ। हालसम्म १२ करोड बराबरको मात्र अख्तियारी आएको छ।
यस्तो अवस्थामा ठेकेदारले काम गर्न छाडेका छन्। नियमानुसार समयमै रकम नआउँदा आयोजनाका काम बीचैमा अलपत्र परेको डिभिजन सडक कार्यालय बुटवलले जनाएको छ।
राष्ट्रिय आयोजनाअन्तर्गत नवलपरासी र रुपन्देहीमा गरी कूल ६२ वटा पक्की पुल रहेका छन् भने सडक पूर्वाधारतर्फ सिद्धबाबाको वैकल्पिक बाटोको रुपमा बुटवल बेलवासदेखि नुवाकोट हुँदै झुम्सा (पाल्पा) जोड्ने सडक विस्तार राष्ट्रिय आयोजना रहेका छन्।
यसैगरी सडकस्तर वृद्धि रुपन्देही बेलवासदेखि बेथरी चार लेन सडक रहेको छन् भने नवलपरासीमा समेत पुल र सडकका आयोजना अलपत्र परेका छन्।
तपाईंको ईमेल गोप्य राखिनेछ ।