खेलकुद

सिटीले जित्यो इंग्लिस प्रिमियर लिगकाे उपाधि
SHARES

बैशाख ३, २०७५

    इंग्लिस प्रिमियर लिगमा उपाधि म्यानचेस्टर सिटीले जितेको छ। आइतबार म्यानचेस्टर युनाइटेड अप्रत्यासित रुपमा रेलिगेशन जोनको पुछारमा रहेको वेस्ट ब्रुमसँग १–० ले पराजित भएपछि सिटीले लिगमा पाँच खेल खेल्न बाँकी रहँदै उपाधि कब्जा गर्न सफल भयो। 

    युनाइटेडको अप्रत्यासित हारपछि सिटीले दोस्रो स्थानको डर्वि जाइन्ट युनाईटेड भन्दा १६ अंकको अग्रता बनाउन सफल भएको छ। बाँकी पाँचै खेलमा युनाइटेडले जितेमा तथा सबै खेलमा सिटी पराजित भएमापनि सिटीको अग्रता हुनेभएपछि जारी सिजनको लिग उपाधि सिटीले जितेको हो। सिटीले पछिल्ला ७ सिजनमा तेस्रो पटक लिगको उपाधि जित्न सफल भयो। यो सिजन सिटीले प्रिमियर लिगमा एकपक्षि दबदबा कायम राख्यो। सिटीले जारी सिजन ९३ गोल गर्दा दुई खेलमा मात्र पराजित भएको छ।

    सिटीले प्रिमियर लिगमा गत ७ अप्रिलमा युनाइटेड विरुद्ध दूई गोलको अग्रता बनाएपनि रोमाञ्चक पुनरागमन गर्दे युनाइटेडले सिटीलाई ३-२ले पराजित गरेको थियो। त्यसअघि लिभरपुलसँग जारी सिजन दुईपटक सिटी पराजित भयो। च्याम्पियन्स लिगका क्वाटरफाइनलका दुबै लेगमा पराजित भएको सिटी प्रिमियर लिगमा पहिलो हारको स्वाद चाख्नपनि एनफिल्डनै पुग्नु परेको थियो।

    सिटीको २००८ मा जायद अल नाह्यानले सेख मनसोरबाट आफ्नो नाममा ओनरसिप लिएयता ७ वटा उपाधि जितेको छ। जसमा एफ ए कप, दुई वटा लिग कप र एक वटा कम्युनिटी सिल्डको उपाधिरहेको छ।

    पेप ग्वार्डिओला भने युनाईटेड विजयी भएको हेर्न ब्यग्रतामा थिए। कीनकी पेपलाई आगामी साता आफ्नै मैदानमा हुने प्रतिष्पर्धामा जित निकालेर उपाधि घरमा भित्राउने सोच थियो। तर पेपको उक्त इच्छालाई माउरिन्होले पुरा हुन दिएनन र उपाधि सिटीलाई उपहारका रुपमा दिए। यो सँगै ग्वार्डिओलाले करिअरको २४ औं उपाधि आफ्नो नाममा पारे। उनले बार्सिलोना र वार्यनमा हुँदा सर्वाधिक सफल म्यानेजरका रुपमा आफुलाई उभ्याएका छन्।

    युनाईटेडको अप्रत्यासित हार

    रेलिगेशन जोनबाट माथि उठन संघर्षरत रहेको वेस्ट ब्रुमलाई युनाईटेडले सहज रुपमा जित निकाल्न सक्छ भने विश्वास गरिएको थियो। तर ७३ औं मिनेटमा रोयि रोड्रिग्वेले युनाईटेडको उपाधि सपनाको अन्त गरेभने आफ्नो टिमको रेलिगेशन संकटमा केहि मलम पटी गरे। जितपछिपनि लिगको पुछारमानै रहेको छ। 

    वेस्ट ब्रुम ३४ खेलबाट २४ अंक बनाउँदै लिग अंक तालिकाको २० औं अर्थात पुछारमा छ। त्यस्टै एक खेल कम खेलेको स्टोक सिटीको २७ अंक छ भने साउथहेम्टन २८ अंकका साथ रेलिगेशन जोनको पहिलो नम्बरमा रहेको छ।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]