राजनीति

निजी विद्यालयले शुल्क नघटाए विद्यार्थी संठनले सरकार विरुद्ध आन्दोलन गर्ने
SHARES

बैशाख ३, २०७५

    काठमाडौं : संयुक्त विद्यार्थी संगठनले मापदण्ड विपरित तोकिएको निजी विद्यालयहरुको शुल्क तत्काल नघटाए सरकार विरुद्ध आन्दोलन गर्ने चेतावनी दिएका छन् । अनेरास्ववियु, नेपाल विद्यार्थी संघ, अनेरास्ववियु क्रान्तिकारीलगायतका विद्यार्थी संगठनको सोमबार काठमाडौंमा बसेको बैठकले मापदण्ड विपरित तय गरिएका निजी विद्यालयहरुको शुल्क नघटाए सरकारविरुद्ध कडा आन्दोलनमा जान बाध्य हुने चेतावनी दिएको हो। 

    बैठकले निजी विद्यालयको शुल्क घटाउनुपर्नेलगायतका विगतमा भएका सहमति कार्यान्वयन गर्न प्रधानमन्त्री केपी शर्मा ओलीलाई मंगलबार ज्ञापन पत्र बुझाउने तयारी पनि गरेको छ। ७२ घण्टा भित्र आफूहरुको माग सम्बोधन गर्न आग्रह गर्दै प्रधानमन्त्री ओलीलाई ज्ञापन पत्र बुझाउने निर्णय गरिएको नेपाली विद्यार्थी संघका अध्यक्ष नैनसिंह महरले जानकारी दिए।  बैठकले सरकारलाई निजी क्षेत्रले जथाभावी बढाएको शुल्क तत्काल घटाउन दवाव दिन बुधबार सडक बहस कार्यक्रम नै संचालन गर्ने निष्कर्श पनि निकालेको छ।

    आफैंले बनाएको शुल्क निर्धारण निर्देशिका कार्यान्वयन नगरे सरकारविरुद्ध असहयोग अन्दोलन गर्न बाध्य हुने निष्कर्षसमेत निकालिएको नेपाल विद्यार्थी संघका अध्यक्ष महरले चेतावनी दिए। 

    विद्यार्थी संगठनहरुले अव पनि सरकारले निजी विद्यालयहरुले मापदण्ड विपरित वृद्धि गरेको शुल्क नघटाए सरकारका सबै गतिविधिमा असहयोग गर्ने तथा सरकारी सवारी साधान समेत तोडफोड गर्ने लगायतका कार्यक्रम पनि तय गरेका छन्। निजी विद्यालयहरुले जथाभावी भर्ना शुल्क लिन थालेपछि विद्यार्थी संगठनहरुले त्यसलाई नियमन गर्न सरकारलाई दवाव दिने कामलाई निरन्तरता दिएका हुन।

     

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]