समाज

बोक्सीखोलामा चौँरीको आलो रगत पिउनेहरूको भीड
SHARES

बैशाख १२, २०७५

    पर्वत : मुस्ताङको थासाङ गाउँपालिका– २ कोवाङ बोक्सीखोलामा चौँरीको आलो रगत पिउनेको भीड लागेको छ। 

    थुप्रै औषधिको प्रयोग, आयुर्वेदिक उपचारबाट समेत निको नभएकाहरूको रोग पनि चौँरीको आलो रगत पिएपछि निको हुने विश्वासका साथ मुस्ताङका आसपासका म्याग्दी, बाग्लुङ, पर्वत, कास्कीलगायतका जिल्लाहरूबाट मानिसहरू रगत पिउने मेलामा पुगेका हुन्। 

    पर्वतको फलेवास नगरपालिकाका बुद्धिबहादुर क्षेत्रीले धेरै ठाउँमा जाँच गराउँदा पनि आफ्नो पेटको रोग ठीक नभएका कारण चौँरीको रगत पिउनकै लागि आफू मुस्ताङ पुगेको बताए। उनले भने, ‘सबै रोग निको हुन्छ भन्ने हल्ला सुनेको थिएँ, त्यही भएर रगत पिउन आएको हुँ, अब निको हुन्छ कि के गर्छ, हेरौँ।’

    मेलामा तन्नेरीदेखि वृद्धसम्म रगत र चौँरीको मासु खानका लागि पुग्ने गरेका छन्। धौलागिरी चौँरी समूहका सचिव भीमप्रसाद थकालीका आनुसार एकै दिनमा ५०० बढीले रगत पिएका छन्। चौँरीपालक कृषक समूहका ९०० चौँरीलाई आलो रगत निकाल्नका लागि मेलामा लगिएको छ। विगतका वर्षहरूको तुलनामा यस वर्ष रगत पिउनका लागि जाने सर्वसाधारणको संख्या धेरै देखिएको छ।

    उच्च हिमाली क्षेत्रमा रहेका खर्कहरूका यार्सागुम्बा, नीरमसीलगायतका बहुमूल्य जडिबुटीहरू खाएका चौँरीको तातोतातो रगत पिएमा गानोगोला, तुस, अपच, नसासम्बन्धी रोग, हाडजोर्नीसम्बन्धी समस्या, चिसोका कारण हुने रोगहरू निको हुनुका साथै शारीरिक स्फुर्ती र यौन उत्तेजना बढ्ने विश्वास छ।

    एक चौँरी गाईबाट १५ देखि २५ गिलास र बढीमा ४० देखि ६५ गिलाससम्म आलो रगत निकाल्ने गरिन्छ। एक गिलास रगतको मूल्य २०० रुपैयाँ पर्ने गरेको छ। चौँरी गाईलाई खुट्टा बाँधेर घाँटीमा फलामको सानो र तिखो हतियारले सानो प्वाल पारेर रगत निकाल्ने गरिन्छ।

सञ्जय रेग्मी

रेग्मी थाहाखबरका पर्वत जिल्ला संवाददाता हुन्।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]