ट्वीटरले आफ्ना सबै प्रयोगकर्तालाई पासवर्ड परिवर्तन आग्रह गरेको छ। आन्तरिक नेटवर्कमा केही समस्या देखिएकाले ट्विटरले आफ्ना ३३ करोड प्रयोगकर्तालाई पासवर्ड परिवर्तन गर्न भनेको हो।
पासवर्ड चोरी भएको या कुनै दुरुपयोग भएको प्रमाण भने पाइएको छैन। तर, सावधानी अपनाउन पासवर्ड परिवर्तन गर्नुपर्ने ट्विटरले बताएको छ। ट्विटरमा देखिएको समस्याबाट कति प्रयोगकर्ता प्रभावित भए भन्ने कुराको जानकारी भने दिइएको छैन।
ट्विटरका कार्यकारी प्रमुख ज्याक डोरसेले भनेका छन्, ‘हालै हामीले केही समस्या फेला पार्यौँ जहाँ 'मास्किङरह्यासिङ' प्रक्रिया पूरा गर्न आन्तरिक नेटवर्कमा केही लेखिएको थियो। त्यो समस्या समाधान गरिसकिएको छ। दुरुपयोग भएको कुनै संकेत पनि पाइएन।'
We recently found a bug that stored passwords unmasked in an internal log. We fixed the bug and have no indication of a breach or misuse by anyone. As a precaution, consider changing your password on all services where you’ve used this password. https://t.co/RyEDvQOTaZ
— Twitter Support (@TwitterSupport) May 3, 2018
तपाईंको ईमेल गोप्य राखिनेछ ।