स्वास्थ्य

आरयूटीएफले कुपोषित बालबालिकाको संख्यामा कमी
SHARES

फाइल फाेटाे
जेठ २, २०७५

    कञ्चनपुर : पोषणयुक्त उपचारात्मक खाना (आरयूटीएफ) बालबालिकालाई निःशुल्क उपलव्ध गराउन थालेपछि कञ्चनपुरको विकट लालझाडी गाउँपालिकामा कुपोषित बालबालिकाको संख्या घट्दै गएको छ।

    गाउँपालिकाको शंकरपुरमा रहेको स्वास्थ्य चौकीमा नाप र तौल लिइएका १७९ बालबालिकामध्ये १९ जना बालबालिका कुपोषित भएको पाइएको छ। जसमध्ये अति जोखिममा रहेका १४ र जोखिममा पाँच बालबालिका रहेका छन्। अति जोखिम र जोखिम बालबालिकालाई निगरानीमा राखी स्वास्थ्य चौकीमा उपचारात्मक खानाका माध्यमबाट उपचार गराइँदै आएको छ।

    छ महिनादेखि ५९ महिनासम्मका बालबलिकालाई लक्षित गरी शीघ्र कुपोषण एकीकृत व्यवस्थापन कार्यक्रम अन्तर्गत कुपोषित बालबालिकालाई आरयूटीएफ खुवाउन थालेपछि कुपोषित बालबालिको संख्यामा कमी  आएको स्वास्थ्य चौकीका प्रमुख श्याम गुप्ताले बताए। 'विगतका वर्षमा ३० देखि ४० जनासम्म बालबालिकामा कुपोषणको समस्या देखिने गरिएको थियो,' उनले भने, ‘महिला स्वयंसेविकामार्फत कुपोषण हटाउनका लागि जनचेतना फैलाउन थालेपछि कुपोषित बालबालिकाको संख्यामा निकै कमी आएको छ।’

    गर्भ चेकजाँचका लागि र प्रसूति हुन स्वास्थ्य चौकी पुग्ने महिलालाई फलफुल, हरियो सागपात, गेडागुडी, अण्ड लगायतका पोषणयुक्त आहारको प्रयोग गर्नुपर्ने सुझाव दिन थालेपछि बालबालिका कुपोषित हुने क्रम रोकिनुका साथै आमाको स्वास्थ्य समेत राम्रो हुन थालेको उनको भनाइ छ। गर्भवती आमालाई पोषणयुक्त आहार खुवाउनु पर्छ भन्ने भावना घरपरिवारका सदस्यहरुमा समेत पलाउन थालेको पाइएको छ।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]