छापा

आजदेखि एमाले र माओवादी केन्द्र नरहने, जनमत प्राप्त इतिहासकै ठूलो पार्टी बन्दै
SHARES

जेठ ३, २०७५

    काठमाडौं : नेकपा एमाले र माओवादी केन्द्रबीच लामो समयदेखि जारी एकता प्रक्रिया अन्तिममा पुगेको बुधबार छापिएका प्रायः सबै दैनिक पत्रिकाहरूले महत्त्वका साथ अग्रभागमा मुख्य समाचार बनाएका छन्।

    कान्तिपुर दैनिकले प्रतिनिधिसभा र प्रदेशसभा चुनावमा वाम गठनबन्धन बनाएर सहयात्रा गरेका नेकपा एमाले र नेकपा माओवादी केन्द्र अन्ततः एउटै कम्युनिस्ट पार्टीका रूपमा एकताबद्ध हुने छन् भनेर लेखेको छ।

    नेकपा एमाले र नेकपा माओवादी केन्द्रबीच बिहीबार पार्टी एकीकरणको औपचारिक घोषणा हुने भएको छ भनेर नागरिक दैनिकले समाचार छापेको छ। नेपाल समाचारपत्रले पार्टी एकताको औपचारिक घोषणा बिहीबार बस्ने पार्टी एकता समितिको बैठकले गर्ने भएको छ एकता बिहीबार नै हुने वा नहुने भन्ने यकिन गरेको छैन।

    एकताबारे अन्नपूर्ण पोस्टले बिहीबार काठमाडौं राष्ट्रियसभा संयुक्त पत्रकार सम्मेलन गरी एकीकृत पार्टीको औपचारिक घोषणा गर्ने भनी लेखेको छ। गोरखापत्र दैनिकले एकीकरणको घोषणा बिहीबार अपराह्न ४ बजे पत्रकार सम्मेलनमार्फत गरिने भनी समाचारमा उल्लेख गरेको छ।

    नयाँ पत्रिका दैनिकले मदन–आश्रिमत स्मृति दिवसको अवसर पारेर दुवै पार्टीले आ–आफ्ना पुरfना संरचना विघटन गरी नेपाल कम्युनिस्ट पार्टी गठन गर्न लागेका हुन् भनी समाचार प्रकाशन गरको छ। उक्त पार्टी जनमतका आधारमा इतिहासकै ठूलो पार्टी हुने उल्लेख गरेको छ। राजधानी दैनिकले एकीकरणको विषयलाई मुख्य समाचार बनाएको छ।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]