तनहुँ : भानु नगरपालिका–६ खहरेस्थित मस्र्याङ्दी नदीमा नदीजन्य वस्तु अवैध उत्खनन् गर्ने तीन जना पक्राउ परेका छन्। पक्राउ पर्नेमा बालुवा चोरी निकासीको काम लगाउने बन्दीपुर–४ का सुजन गुरुङ र आकाश गुरुङ र जेसिबीका चालक बाँके कोहलपुर नगरपालिका–११ का अर्जुन थापा रहेको प्रहरीले जनाएको छ।
उनीहरुलाई शनिबार राति १ बजे जेसिबी प्रयोग गरी बालुवा उत्खनन् गरिरहेको अवस्थामा पक्राउ गरिएको जिल्ला प्रहरी कार्यालय तनहुँका प्रमुख प्रहरी उपरीक्षक शिद्धिविक्रम शाहले जानकारी दिए। बालुवा उत्खनन्मा प्रयोग गरिएको बा १ क ९७९६ नम्बरको जेसिबी पनि नियन्त्रणमा लिइएको प्रहरीले जनाएको छ।
पक्राउ परेका तीनै जनालाई आवश्यक कारबाहीको लागि आइतबार जिल्ला समन्वय समितिको कार्यालय तनहुँमा पठाइएको छ।
तपाईंको ईमेल गोप्य राखिनेछ ।